啱啱過咗個星期二我地成班舊莊員又去咗camp
今次個camp搞得好倉促
以為唔會好玩
點知今次完全係超乎想像中咁好玩, 笑到爆哂咀~~~~

今次因為有d野做所以遲咗入去
約好阿泉同埋vincent就由東涌搭巴士入去
因為今次完全冇prepare過行程
所以都怕唔知玩乜好
點知入到去竟然見到大家開定哂枱, yo man~~
即刻坐低打兩舖兼摧佢地駁好ps2 玩bomberman
雖然今次打機又係我輸
但係同佢地打機真係超low b超好笑!!
諗返起上次晌soc房打10 hrs bomberman又係咁樣~~ 哈哈~~
笑死我~~~~ 好想晌學校再玩多次呀~

之後就係bbq+ tv drama time
一直以黎我地暗地裡都認為偉盛係搞gag 能手
但係經過bbq之後我地一致決定要將佢level up
登!登!登!登~~~ 就係爛gag王 XDDDDDDDDDDDDDDDDDDD
大家顧名思義啦吓~

睇完大長今之後我地就收拾
阿泉一開始就係最大聲話要睇創世紀
點知佢轉個頭就話要玩大富翁
一早叫肥vic唔好拍阿泉架啦
又唔聽我講喎~
阿泉今次又係破產o個個, 哈哈哈哈哈哈~~~~
唉, 有時做人就真係唔好有風就駛盡利啦
btw, 我驚下次阿泉唔敢再同我地賭 XDDDDDDD

今次大富翁由於戰情過份激烈
心理戰, 結盟, 分拆資產, 置諸死地而後生乜都有
我地不知不覺間就玩咗三個幾鐘
接住我地就開始玩最無聊但又最好笑既low b遊戲~~~~
層層疊吸紫菜大長碌乜都玩哂
個個都玩到面容扭曲, 週身骨痛~~~
過程唔講啦, 睇相就會知道架啦
http://lowbchuen.multiply.com/photos/album/6
不過唔知點解我次次都係同阿泉partner, 次次都輸 T_T
其實我唔係怕輸咗俾人罰
我只係最怕對住阿泉XDDDDD
因為對住佢真係好辛苦, 真係會笑到想嘔~~~

玩完哂d low b野之得我玩地咗一陣killer
之後國祺就話要傾吓計
點知我, 佢, din, joyce同肥vic五個人講唔夠廿句已經訓著咗
之後發生乜野事我都唔知道啦

第二朝大家都好自動自覺咁醒咗
仲個個人都有時間梳洗食野打牌打機, so good~
可惜我地唔係去三日兩夜啦
如果唔係我地仲可以去埋沙灘踩單車食海鮮~~
臨離開之前我地一齊晌士多食雪條, 勁好feel~~~~~
之後我地就一齊打的去東涌各自返屋企
正式結束我地saa既離島camp round 2 lu

由於今次太好玩
所以大定已經約好咗交哂paper之後既六月就會有round 3~
最希望可以包團一齊陪阿泉返鄉下~ yeah~~

好想快d 到六月呀~~

btw, 阿泉話我成日煮野食, 好似變咗咁
UM~ 近來真係重拾返對煮野食既興趣
有機會俾大家試吓我既手勢啦~