岩岩坐正窗口位，最衰唔係靚風景...

唉...一個去QE照超聲波，真係悶到癲呀﹗所以....拎住個手提影影影..雖然冇野影，呵呵~﹗o係我等緊既時候，老公一路都同我send緊sms，佢好少可會咁架﹗一來我悶啦﹗二來呢度唔講得電話。

         

10點幾開始等，等左成個鐘，等到太陽都出黎喇﹗仲要岩岩晒正我，衰到屎，咁我唯有坐去第二度啦﹗

就黎12點喇﹗終於到我 lu﹗個醫生都照得好仔細，佢一路照，就一路講解我知係咩部位，胎水胎盤都好正常，bb個size都符合我依家23個幾週，個個醫生第一時間都係照左bb個心跳先架喎﹗睇晒所有野之嘛﹗樣樣都好正常，好放心。照完..醫生就叫我坐o係出面等，出到去，我就send sms俾老公同媽媽報平安。又要o係度等喇﹗等左幾個字，都冇聲冇氣，我就忍唔住問姑娘<<究竟醫生叫我等咩呢？>>，過左陣，同佢一堆無聊對答，佢再問醫生，之後出黎同我講<<妳走得架喇﹗>>，我既反應只係<<下？哦....>>同埋<<我有冇乜野要拎走？>>，結果，係乜都唔洗拎，照完就走得果d，真係俾佢吹脹。