25號果日，老公陪左我去照喇﹗係仔仔黎架﹗

o係診所等緊照果陣，心情真係有d緊張^^。等左一陣就到我地喇﹗我地入去，媽媽都未到，所以講左個地址佢知，叫佢自己過黎等我地。入到去，坐上張凳度等照既時候，我同老公都好期待咁望住個mon，個醫生一路照果陣，我又聽到bb個心跳聲喇﹗哈哈~~﹗之後再睇下係仔定女喇﹗.......搵到喇﹗搵到喇﹗有"姑姑"架﹗我地就問醫生會唔會手指，個醫生就話再照下手手腳腳....照到之後，醫生話應該唔會係手指腳指，因為手手腳腳都好明顯睇到，真係好明顯架﹗照到既時候，我又忍唔住笑喇﹗估唔到，我個肚唔係大，但bb頭、手、腳、"姑姑"同脊骨都已經長出黎喇﹗我同老公都好感動，睇到bb隻手仔郁添呀﹗^.^可能想同我地say hi，哈哈~~﹗照完喇﹗出去等拎藥同bb相，d藥係因為我有幾聲咳同維他命。出到去，我媽媽已經到左喇﹗我諗住叫佢估下係仔定女家嘛﹗老公就口快快咁講話有"姑姑"架﹗/. 咁就冇晒d驚喜喇﹗我坐左陣，就send sms俾d朋友仔、我表姐同佢地講有"姑姑"架﹗之後好快就得到好多回應，哈哈~~^o^﹗老公都有打電話，打俾佢阿爸阿媽老細呀果d，同佢地講仔黎架﹗有"姑姑"架﹗佢阿爸阿媽就係咁笑，好開心，佢老細話送bb床喎﹗^.^嘻~講過就係架喇﹗老細~~﹗.........拎得藥同相lu﹗第一時間緊係睇相啦﹗呵~媽媽心急呀﹗媽媽睇得好開心，要搵"姑姑"，原來媽媽都咁咸濕既﹗呵呵~~^o^﹗

睇完醫生之後，我地就入左沙田搵埋河馬同佢個女"婉琳"去睇bb仔野。沙田果d舖大間就大間喇﹗主要黎沙田，我都係想睇下荷花，但貴呢﹗行左一陣，決定去樂富吉之島，吉之島比較平之外，老公話樂富呢間吉之島差唔多執喇﹗所以應該更加平。我地去到，就開始搵呀搵呀搵，搵呀搵呀搵，搵左衫仔、手同腳既襪、口水肩、清潔用品同日常用品，執下執下，都執左好多野，勁~﹗但仍然有好多野係未買既﹗o係呢個時候，我地都係買住咁多先啦﹗因我地依家冇咁多錢錢 /. ，下個月先再搵啦﹗六點幾七喇﹗我地要食野喇﹗落左去美食廣場食，之前同老公講過話想食大碗拉麵，依家竟然真係可以食喇﹗Lucky~~^.^﹗

我地食飽飽之後，就送媽媽返天水圍，之後我地就去豪哥屋企hea。車緊媽媽返去途中，媽媽唔知係咪太耐冇乜點同細路女玩，佢同婉琳玩得好開心，媽媽仲話鍾意婉琳講野果陣時喎﹗所以媽媽成 日撩佢講野﹗哈哈~~~^o^﹗玩下玩下，媽媽都到lu﹗拜拜~^3^﹗

o係豪哥屋企，真係hea，唔知做乜好，我地睇睇下facebook，老公突然爆一句出黎，叫我幫佢開返個，哈哈~~我就話佢終於都開喇﹗佢就笑笑口，叫我快d整，阿豪哥都笑，佢叫我俾佢整，其實聽到老公都話開，真係忍唔住笑架﹗我地攪完部電腦，坐多陣，傾多陣計，11點幾喇﹗都要返屋企lu﹗大家分道揚鑣，回家...拜拜﹗﹗