今日都係１２點幾起左身，之後咪都係落街買野．今晚食囉！到左下午２：３０就換衫喇，去邊？咪去學校搞個一個迎新日囉～約左４點，咁我３點就出左去，幫亞媽交埋ｄ水費同埋煤氣費喇！交完就行去搭ｍｔｒ，去到天后，諗住要搵下係邊啦，點知唔駛，一出ｍｔｒ就見到，根住咪入去等，都見到唔小人呀，個個都係差唔多年紀啦～等左冇耐就排好隊，等入去點名，拎左一個ｆｏｌｄｅｒ去左一間房到喇，寫低左小小資料，搵左個位坐低，睇下入面ｄ野，要買書、申請野咁！坐左一陣，就有人係度講野，填下野．介紹下ｄ老師咁！ｄ老師好似好好人咁，都好似唔係好惡！坐左差唔多２個幾鍾就走得，散左之後，我就去左ｃａｕｓｅｗａｙ　ｂａｙ搵下間ｓａｌｏｎ同埋去左時代既ｉｔ，行到６點幾就搭ｍｔｒ返屋企，去到ｐｏ　ｌａｍ幫亞媽買埋野就返家，食飯！洗洗下碗冇啦啦打破左一隻碗．．．失敗左！８點幾打左俾老公，不過佢未返屋企，之後同佢媽咪傾左一陣，同佢媽咪都幾好傾（唔知點解），佢仲話叫佢返黎打俾我，不過到宜家都未打俾我？唔知去左邊呢？？根住就沖涼．．電腦！

星期一就返學喇！去到一個新學校，唔知會點呢？ｄ野唔知難唔難呢，有ｄ緊張，希望有一個新地方，要叫自己俾心機讀書！唔可以俾自己偷懶！不過開始要早起身返學，一定唔慣啦～

冇啦啦同老公個媽咪傾左一陣，感覺幾好呀，初初覺得佢媽咪好惡，好難相處同埋好難可以傾到計，不過今日傾左一陣，都唔係丫．．．個ｆｅｅｌ幾好呀！