去完十二日的SP，好開心呀…

第一日，好狼狽呀，一出門口冇幾耐個篋的轆就爛了，要拖住一個爛篋行去搭地鐵，痛苦呀！雖然係咁，仍感謝神，冇喺呢個時候落大雨，如果唔係，我都唔知顧得邊樣！然後一上地鐵就落大雨，好彩撞到瑞鳯，一齊搭的士返BU。因為天雨關係，去唔到浪茄，第一日早上的行程就擱置了，可以保留體力，應付之後的活動。之後李鉅星先生的分享，感動，希望我的感動同決志唔會因為時間而流失。

第二日，一早起身，因為要去沙浸獻唱，所以要一早去到，重要換好FORMAL WEAR，諗返都幾得意，唱三場，坐足三場，聽咗三次道，睇咗三次大騙兔…好痛苦！坐在台上，不斷咁擰自己的肉，因為真係好難頂，但係講員所講的嘢，我到而家都記得四成！同組員食飯，有人流鼻血呀，重要流咁多，好驚呀，有D不知所措添…唉！好彩有嗰到D人幫手教按穴位，如果唔係都唔知會點…之後去循道衛理堂聽TALK和晚堂崇拜，嗰到D花搞到我鼻敏感發作…晚上開組，做得唔好，對唔住呀！！

好！打住兩日先…其他d之後先打！