潛水的經歷好難忘，雖然平時鼻塞用口呼吸係我強項，但一到水底，耳邊安靜得只能聽到自己的呼吸聲。剛潛入不久就開始耳仔痛，教練有教如果氣壓令你耳仔痛，可以𣶶吸一口氣捏住鼻子從耳朵倒迫呼氣出來，重覆幾次耳仔就真的不痛了。由於裝備太笨重﹐我基本上係轉唔到身郁唔到咁濟，也看不到身後教練的臉，教練久不久會打手勢問我OK唔OK，不過每潛深一點，耳仔每隔一段會痛，有一兩次我差點就想打個UP手勢比佢算了，只見佢打手勢叫我做多幾次往耳仔迫氣的手勢，我唯有忍一忍啦。

果然唔應該太早投降，海底世界真係好靚，越往下潛越精彩，有魚群在身邊游過嘅感覺真係同响水族館見到嘅好唔一樣。還有一條落單的黃色魚，打橫游過我面前還停一停像在打量我，好可愛啊！除了魚還有很多美美的珊瑚，我們還跟LIMO小丑魚合照呢。想親手摸摸小丑魚都給我嚇走了。哈哈，珊瑚倒是有摸到，親身感受的海㡳世界真的很不一樣。見到LIMO我隻耳仔即刻唔記得左痛呢回事，哈哈⋯⋯上水時教練在我身後不知拔了些什麼，人就淨上水面了，扶住了艇邊的梯子我根本上唔到水，教練貼心地除了我腳下的蛙鞋，我幾經辛苦先上到小艇，一上艇佢地就扶我坐低放下一身沉重的裝備，呢個時候我先真正叫郁到！哈哈⋯⋯其實全程最攰嘅應該係跟在身後的教練吧，我全程只是雙腳求其踢下水輔助下前進，而教練就一直在身後抓住我件潛水背心帶我地游。我只知道DAN有下水，只是在我身後帶我的教練是誰還是到回看相片的時候才知道原來是正是可愛的DAN教練。難怪佢上水之後個樣咁攰啦⋯⋯嘿～

上水後我吐血了⋯⋯哈哈～好彩無人見到，是有血𢇁的一口”痰”，大概是這個冬天一直醫唔好塞我個鼻的頑物，向海中一吐個鼻即刻通左。上到水面先知凍，教練頭頭叫我坐去太陽底下曬下太陽無咁凍。等小玲上埋來我們同可愛嘅DAN影左張仲背着氧氣桶嘅相，見其他Diving的鬼佬還未上來：我們就再次落水浮潛了。不過呢個深水區浮潛只能見到少量的魚群，我們很快又上回快艇上等大家。其實都已經夠累了。

潛完水我們到了巴雅島上吃午飯，一人一個飯盒，白飯、炸雞翼、腸仔、蛋、同一個柑。吃飯區很多人，教練們又特別招呼我們去涼亭那邊吃。有個扎着小辮子的教練還跟我會一起坐着吃飯，叫我們把吃淨的食物掉到水中餵魚，果然有超多魚同鯊魚游過來搶食。小玲盒飯應該有一半用了來鍡魚吧。我太餓了，原本想等埋小玲一齊食，但忍唔住在小玲去左厠所時就打開盒飯有一口沒一口的吃着白飯，可愛的教練行過很熱心的說要帶我去拿湯，我只能用我破爛的英文示意小玲去左厠所我行唔開，佢就站旁邊等我，仲問我個咀乜事（由旅程的第一日開始我就開始爛咀，看起來似咬親個咀發出黎嘅白色一粒嘢，今日特別嚴重），我唯有傻笑答佢”i bite myself...haha”，佢又跟住傻笑。小玲返來佢就帶我去舀湯，個飯講真真係完全無味，但加左啲酸辣湯還是可以填飽肚子的。

餵魚餵得正高興，DAN走左過來坐，我只記得佢問左我一句類似可唔可以叫你做 darling之類話，我以為佢是指潛水帶我所以我地係PARTER？或是在講笑？叫一下沒關係吧～就超爽快咁話OK啊！仲好有默契咁同佢打左個潛水OK手勢⋯⋯就係咁⋯⋯呢個坐我旁邊一時扮憂鬱一時裝可愛的DAN就一直darling darling咁叫我＝＿＝”後來回程船上仲同佢啲同事介紹我係佢darling⋯⋯究竟發生左咩事？哈哈⋯⋯One Day Darling？沒關係吧。他看起來很好玩，畀佢叫下我也很爽～～哈哈～佢有時某個MONENT露出的那種好陽光嘅笑容，會讓我有點失神，我大概對陽光男孩無乜招架力，好想影低捕捉嗰一瞬間的笑容（噢～龍友潛質），可惜今日我無相機在手，全靠小玲手中的水底相機了。

待續⋯⋯