呢排開始同家族上o既成員傾下計，探討下大家o既生活～！！
而從呢ｄ對話之中，其實自己亦都係得益不少嫁～！！

除左可以更加了解對方之外，同時都學到野囉．．．
不論對象係比自己年長或者年少，佢地都有自己o既經歷～！！
而呢ｄ經歷，正正就係可以用作同人分享o既事情囉～！！

而今晚，我就約左綺雲同大妹去飲野同傾計．．．
我地由１０ｐｍ左右開始傾，一傾就傾到差唔多２ａｍ喇～！！

經過今次同佢o既對話，我更加明白女仔諗野o既方式．．．
比起同男仔傾計，會更加發覺女仔諗野係會比較長遠同多層次～！！
咁當然．．．呢ｄ野亦都係同佢地本身o既性格係有關啦～？！

由生活、工作、興趣．．．談及到感情生活．．．
聽到好多o既見解，就令我更加發現於唔同階段有住唔同要求～！！
或者．．．人越年長同成熟o既時候，諗o既野真係會全面ｄ啦～！？