過香港的第一夜,發覺喉嚨有點唔對路,經驗告之,大概感冒來襲。
預計兩天兩夜行程,才過了四份一,點都要頂埋佢,船飛貴呀...

禍不單行,第二朝,眼仔癢。
死火! 眼內那透明的晶狀體腫了起來!
都要頂!頂到返澳門先算!

終於返到澳門,星期一返了半朝,頂唔順,打電話叫醒媽咪陪我睇醫生。
鏡湖一次過睇兩場,睇完感冒再睇眼,等了半天,兩場夾埋見到醫生不消十五分鐘又被趕了出來。
醫生,認真點多看我一眼好嗎...?

結果是,感冒藥吃完都不覺好多少,加上請假期間被老細仔點左去搵線(可以簡稱為老點)...
大暑,三十四度,感冒,截唔到的士,烈日當空,病都未好,病上加病...
至於眼仔,無... 都仲係痕囉...

食完鏡湖藥都仲未好,於是今日爸爸車到門口再單挑上樓睇私家醫生,打了支半針。
第一支,不算太痛,ok型。
第二支,醫生狂警告話會痛會痛,狂問痛唔痛,痛唔痛,痛唔痛,痛唔痛...
痛痛痛痛痛!好未!
醫生,唔好分散我注意力去感受自己痛唔痛好無?
忍痛係要集中注意力去忍架...

終於,打左半支,我開始出現耳鳴,冒冷汗...
醫生即時停針,送了我入房膠豬一陣...

亞醫生話我血壓好低,得90,係正常血壓既底線,所以一低少少就會即刻覺頭暈...
做乜無啦啦感感下冒又會變左血壓低...
咁點呀,有冇野食左可以高返架...
我聽日仲要晨操咁早去學車喎...醫生呀...醫生...

......