考車，飲左。點飲？都幾好笑既…

話說吹時已經好乖豬咁每朝晨早練車，什麼L泊位、S泊位、三前兩後、鄧車都已經練到好有把握。
最後唔識既係記住出街果六條路線，其實記得哂咩位做咩，只係開始熟得濟撈亂…

而臨考之前既星期日，我爹娘好有心咁陪我渣住佢架車係咁兜果六條路線 。
其實我真係好開心，為左呢次考車，身邊人真係比左唔少支持我。
除左我爹娘陪我兜左一個星期日，我公司比我十一點先返，放返八點flexible hour，都真係幾感動。

不過學車又返工真係幾辛苦，每朝六點起身，八點搭車上九點堂，車程少於半個鐘。
因為一到八點半，就無可能會迫到上車。迫到上25號，每日都迫係門口果一格仔凹位，聞臭格肋底，好彩就迫得上，唔好彩迫唔上仲要搭的士，成五十蚊…
早到成半個鐘，曬住咁食個早餐，睇人三前兩後同泊位。
學車個師父係我爹果類，嚴父型。一有少少唔岩即刻狂鬧，鬧到我乜都無信心做，又會唔好聲氣，後來朋友仔鼓勵之下去學校度要求換師父，又換唔到… 但係就同師父講左，師父真係收左火，之後我先至開始知自己做緊乜。狂鬧我掛住驚錯真係記唔到野…
學完車，十點曝曬行十分鐘搭巴士，通常等十五分鐘，仍然曝曬，搞到連manager都問我係咪黑左…

到左考果日，之前話眼皮跳左吉右吉其實都岩，一切上天比既條件其實都好好。
我好好彩咁比我抽中個nice考官，仲要抽中埋最易果條路線，而我都好順利地做哂所有野出埋街返返車場。
點知係車場門口，有個地盤工人突然衝出馬路，我急剎，呆左。
之後未回復意識就開車，係車場入面一開車就入錯線，即飲。

一切都做得幾好，連個考官都同我師父話我渣得唔錯添，點知咁飲法佢都覺得好震驚。
當我話比身邊親友知我咁飲法，個個都鄧我好唔抵。
其實都唔係完全唔抵既，我衰騰雞。

臨場表現真係好緊要。
我咁想學渣車其實目的都係想訓練自己唔好騰雞，比人呠都唔好嚇到亂咁黎。
點知我就真係衰呢樣…
再補品已經係半年後既事喇…