2006-06-09 17:06:54吹時
二十世紀口賤少年
對於森美小儀被判入獄(姐咁講)，我個人覺得小懲大戒。
唔怕老實同你講，吹時以前曾經係森美變態樂園既FANS，上當年佢地岩岩出道，我係好鍾意聽佢地做節目，的確係有創意又有心機。
但係而家果堆人(已經成為903既一個群組，暫且稱佢地為森美群組)，口臭口賤，小儀係呢堆人入面既角色就係比人長期取笑，矮、醜、老紀大、無人要等。笑人果個固之然應該拖出去斬，但係小儀又繼續keep住個咁既形象比人恥笑，其實笑既唔係小儀一個，係千千萬萬個有相類特徵既女性！小儀請你尊重自己！
呢個森美群組絕對係將女性形容為豬扒之後既精神延續，藉呢個節目將呢種風氣發揚光大，教育更多青少年認同呢種口賤精神，肯定口賤有價，以恥笑為真理，完全視尊重為無物。
今次「最想非禮女藝人選舉」絕對係發揮口臭精神既極致(出得街黎講，唔出得街我估可以賤好多)，條界越踩越過，今次終於出事，我真係好想講句應有此報。可惜節目停播，口賤精神卻早被發揚光大。
出面d MK小朋友口臭就話佢地唔識野無辦法，一個半個主持唔識野都算完又算喇，但係身為一個傳媒機構，竟然可以容忍呢種不知所謂既風氣咁耐，好心啦903！
講真，呢堆咁既口賤青年係我對903印象既唯一污點，對於903一直都好支持，好節目大把大把，芝see姑bi、 絕情谷、I love u boyz，以前既係咪玩野、軟硬等，即使少爺占衰衰格格、軟硬玩人、wyman撐雞巴渣，但係都會有message、有比心機做、留返尊重比人、有底線，而唔係森美群組果種以人身攻擊黎取樂為最終目的。
近年903興哂笑笑笑笑笑式主持，乜野都要笑，杜文澤、吳君如都算喇，佢地有佢地係節目入面既角色，笑係吸引人聽既手法，佢地都有比心機做好節目，但係森美群組既節目最終目的係恥笑、嘲笑、狂笑，又懶又無message，係就係合哂班MK少年口胃，但係呢d節目，sorry，我真係好討厭！
有人網上發起簽名活動話咩對佢地唔公平，其他傳媒都賤，點解淨係要插佢兩個咁話。佢兩個係唔好彩，但係都唔代表抵幫，要公平既話就不如逐個傳媒列哂表出黎，慢慢討伐佢地。傳媒為收視而賤，接收既人樂於接收，佢地都有負任，再公平d，就要討伐埋千千萬萬既口賤老中青少年啦！公平丫嗎！
荒謬！
唔怕老實同你講，吹時以前曾經係森美變態樂園既FANS，上當年佢地岩岩出道，我係好鍾意聽佢地做節目，的確係有創意又有心機。
但係而家果堆人(已經成為903既一個群組，暫且稱佢地為森美群組)，口臭口賤，小儀係呢堆人入面既角色就係比人長期取笑，矮、醜、老紀大、無人要等。笑人果個固之然應該拖出去斬，但係小儀又繼續keep住個咁既形象比人恥笑，其實笑既唔係小儀一個，係千千萬萬個有相類特徵既女性！小儀請你尊重自己！
呢個森美群組絕對係將女性形容為豬扒之後既精神延續，藉呢個節目將呢種風氣發揚光大，教育更多青少年認同呢種口賤精神，肯定口賤有價，以恥笑為真理，完全視尊重為無物。
今次「最想非禮女藝人選舉」絕對係發揮口臭精神既極致(出得街黎講，唔出得街我估可以賤好多)，條界越踩越過，今次終於出事，我真係好想講句應有此報。可惜節目停播，口賤精神卻早被發揚光大。
出面d MK小朋友口臭就話佢地唔識野無辦法，一個半個主持唔識野都算完又算喇，但係身為一個傳媒機構，竟然可以容忍呢種不知所謂既風氣咁耐，好心啦903！
講真，呢堆咁既口賤青年係我對903印象既唯一污點，對於903一直都好支持，好節目大把大把，芝see姑bi、 絕情谷、I love u boyz，以前既係咪玩野、軟硬等，即使少爺占衰衰格格、軟硬玩人、wyman撐雞巴渣，但係都會有message、有比心機做、留返尊重比人、有底線，而唔係森美群組果種以人身攻擊黎取樂為最終目的。
近年903興哂笑笑笑笑笑式主持，乜野都要笑，杜文澤、吳君如都算喇，佢地有佢地係節目入面既角色，笑係吸引人聽既手法，佢地都有比心機做好節目，但係森美群組既節目最終目的係恥笑、嘲笑、狂笑，又懶又無message，係就係合哂班MK少年口胃，但係呢d節目，sorry，我真係好討厭！
有人網上發起簽名活動話咩對佢地唔公平，其他傳媒都賤，點解淨係要插佢兩個咁話。佢兩個係唔好彩，但係都唔代表抵幫，要公平既話就不如逐個傳媒列哂表出黎，慢慢討伐佢地。傳媒為收視而賤，接收既人樂於接收，佢地都有負任，再公平d，就要討伐埋千千萬萬既口賤老中青少年啦！公平丫嗎！
荒謬！
岩，應該對事唔對人，所以我覺得903問題大d，容許咁既口賤文化生存係台入面。
最大問題唔係呢次既單一事件，唔係單止佢兩個，而係支持或縱容呢種口賤精神。慘在佢地兩個已經成為呢種文化既symbol，因為佢地集偶像+傳媒於一身，又身先士卒，引發關注口賤文化既第一人，人地要攻佢地都出師有名，於是壯烈犧牲。
懲罰係應該，懲罰既意義在於令佢地(+所有支持呢種精神既人)知道事態既嚴重，所以我覺得唔應該縱容，又所以我唔簽名。
佢地兩個道歉，我相信對於已造成既口賤文化既局面唔會有咩扭轉。正所謂學好三年，學壞只需三分鐘(類似咁既意思啦下)。口賤文化既核心在於恥笑人地以取樂。佢地兩個道歉，只會比佢地教育出黎既口賤o靚仔恥笑，恥笑完佢地，繼續口賤。
nicola,我諗唔關佢中唔中大事，我一直相信個人操守與學歷無關。
希望今次之後，果班人真係會醒，會將自己教育出黎既口賤FANS教返去正途啦，但係真係一件好難既事。
問題是他們都道歉，點解還要插佢兩個？而且插的傳媒為收視自己也有賤，有資格嗎？社會時常提出要給機會範錯的人，要追討伐不放，公平不是對事不對人嗎？
香港果d唔知咩婦女團體話佢地選舉最想非禮女藝人係侮辱女性，唉...
佢地入錯位，選最想非禮女藝人問題主要並唔係侮辱女性，而係教育d無知小朋友非禮原來係可以拎出黎講笑，非禮無乜大不了，於是間接教唆o靚仔隨便非禮人。
講返諗個題目出黎果個先，非禮係不自願既情況下，如果佢地個選舉話選最想親密接觸女藝人，成件事可以輕好多，諗條題目果個的確係個腦坐住左，咁簡單既中文，唔知係佢唔識解定係覺得非禮真係可以拎黎玩，還是想人注音佢個節目，用咁既方法黎嘩眾取寵真係蠢得可憐。唉...
佢地都的確係有侮辱女性，平時佢地成日拎小儀出黎笑佢肥矮醜先至係真正侮辱女性。
知道件事有問題但係出師名目搞錯，仲要鬧左咁耐無人糾正，我覺得成件事就好似鬧交果時大聲夾惡but無內容＋對方自知理虧認衰仔，鬧交目的主要唔係解決件事，而係純發洩不滿情緒，唉......呢個社會......