「主，在寧靜的晨曦中，求你賜給我平安、智慧和力量。
我願意今天以充滿愛情的目光，面對我的人生。
我願意是忍耐的、柔順的、智慧的、了解他人的。

我願意透過可見的外表，去看你的子女，就像你看他們一樣。
我願意在每一個人身上，只看見善。

求你堵塞我的耳朵，教我不聽無誣之言。
求你管束我的口舌，教我不要說傷害人言。
願留在我心靈中的，只是祝福和讚美的思想。
願我像你這般慈藹、這般愉快，使凡親近我的人，都感到你的臨在。

主，求你給我穿上你的美，教我在今日內，能將你顯示給他人。
亞孟。」

呢篇係我讀rosa咁多年，咁多篇唸口王之中，最長又最難背又最少用既晨禱文。成日覺得咁鬼長，又少用，背左好蝕腦入面d memory。
基於我對rosa既憎恨情感，讀rosa既時候，無次唸呢篇晨禱文都係up完就算。但係呢篇晨禱文係我讀左咁多年rosa，最鍾意既一篇。

如今，離開左rosa咁多年，呢個無眠既晨曦，我心入面無端再響起呢篇經文既碎片：「我願意在每一個人身上，只看見善。求你堵塞我的耳朵，教我不要聽無誣之言。求你管束我的口舌，教我不要說傷害人言。 願留在我心靈中的，只是祝福和讚美的思想。」

我相信誠心唸呢篇經文既人，好多都未做到經文入面「我願意」既所有事：「 我願意今天以充滿愛情的目光，面對我的人生。我願意是忍耐的、柔順的、智慧的、了解他人的。我願意透過可見的外表，去看你的子女，就像你看他們一樣。」
從來願意同做得到都係兩個端點，只係透過重複又重複咁唸經黎催眠自己，或者向佢相信既神許下佢既諾言，以及確立自己既目標。

雖然當年每次都係口up up，但係up既過程之中，隱約都感覺到佢既音樂美。
每一句起伏停頓，都係咁優雅、咁適合。
我亦喜歡禱文既謙卑懇切，起碼係咁多篇經文中，無擦鞋得咁緊要，但係始終都逃唔過一兩句：「 使凡親近我的人，都感到你的臨在。」
但係我唔介意，因為呢兩句，反而係全篇經文中，?律最好聽既兩句。

於是，我上網搵左大約半個鐘，先至搜獲返呢篇當年遺漏既心頭愛。
組合心入面既經文片段，再細味入面既內容，珍而重之地，默默再唸一遍. . . . . .