我天真地相信，如果我而家呢一刻死左，而聖經入面講既野係真既話，我係可以上天堂架。

因為到目前為止，吹時一直都好努力，想做個自己認為正確既好孩子，所以無乜做過遺背良心既事。
最多只係少少既頑皮搗蛋，不自知既任性，以及未能自控既劇烈情感。
但係我無立心傷害人。

如果要計既話，最唔比我上堂既理由，應該係我唔相信聖經。
我唔係唔相信神既旨意，而係唔相信人類既話語。
尤其係由果d曾經視我為眼中釘，將我既自尊生剝扯下再壓到地底踐踏，然後又滿口仁愛慈悲既修女&老師既口中講出黎既聖經。

我幻想中既天堂，就好似搭飛機升到上最高處望出去既雲海一樣，一片光明溫湲。
我記得我高中既時候，作文堂寫過一篇有史以黎最高分既文，內容大致係話我將會搭飛機由澳門去第二個地方，但係當飛機升上高空時，我打開機倉門，踏上呢片雲海。
其實我一直覺得真係可以架。你睇d雲細細密密鋪滿成地咁，又可以係空中建起一舊舊既奇怪建築，望落去真係唔似唔踩得落去喎，唔似會穿窿跌得死喎~ 飛機只係雲上面既車之嗎~如果唔係咁大舊鐵你以為真係可以係天上面慢慢飛牙？！

係呢遍天國雲海上面，飛機依住固定既航道飛行。因為只要偏離航道少少，角度轉變，就會唔小心比人見到奇怪雲雲建築後面，被雲雲遮住既一切事物。
例如有天使、已經成為天使既人、上到去繼續傻下傻下既人等等。

我又硬係覺得，打開機倉門，就會感受到係天堂既感覺，果種感覺應該係好似我泡係熱水入面果種溫暖寧靜又舒泰既感覺。
好容易令人合埋雙眼，周圍好靜好靜，有少少從未聽過既空洞既迴音，放心撻落地交豬啦，因為隨便撻落地都唔怕整醒整痛自己，地上係鋪住軟綿綿既雲雲地。

係天堂上面，有冇可以改變我脾氣既服務呢？
稱得為天堂，我估有喇掛？我唔想以後繼續係咁。