風和土，終於捲起一柱大龍捲。
呢柱龍捲，其實自兩種原素誕生起，注定必會發生，只係時爭在乜野時晨。

呢兩種原素，本來就有住互相破壞既屬性，但係土地依賴微風吹拂帶黎既生氣，同時風需要停留係土地上面歇息。

但係只要有其他原素既存在，兩者和平關係，必定產生變化。
然而，我們需要光需要熱，因此火誕生。

遭受其他事物傷害， 並唔可怕 。
即使地震，劫後還有微風既溫柔安慰，而顯得生機處處。
最可怕既係，風同土自然發生變化，而彼此傷害。

無人可以觸及火，無人可以控制火。包括火本身。
火勢轉趨熾烈，風同土，難逃一劫。

火將空氣燃燒，造成氣旋，土地被火燒得滾滾發熱。
人間頓時變成煉獄。

龍捲將土地上既一切捲上高空。
天空被塵土遮蔽而變得昏暗；
土地被龍捲畫過而殘破不堪。

龍捲過後，一片死寂。
互相傷害過既兩個原素，仍然係繼續需要對方。
微風再次吹到黎呢遍土地。
可惜土地實在太沉重，由高空跌落土面既塵土，未能迅速回復原狀，土地上，仍留有龍捲所畫過既痕跡。

土地望住自己身上既痕跡，再望望風。不知所措。
害怕再次風雲變色，但又深愛住微風以及依賴微風。

即使呢柱龍捲，可以話係風同土另類既相交形態，但破壞既實在太多。
土地知道龍捲甚或颱風會再度來臨，但係土地希望盡快再次迎接風，可惜又未能及時克服恐懼。

土地唔希望風歇息係一片頹門敗瓦上，亦唔想風再次來臨既時候，需要面對彼此傷害既痕跡。
一片混亂既土地，呢個時候，需要自我調息，靜待地殼變動，將本來既一片爛地緊緊活埋。