某同學參觀完我個留低你既愛之後，稱我為烈女，話自己係鵪鶉，仲係自己既space度話佢鵪鶉鵪得好快樂。
如果我仲係以前吹時既話，我會好羨慕，但係而家既吹時，會覺得做女人做到咁，其實都幾可悲。

係男朋友面前要扮哂溫柔賢淑，硬將自己真實一面強行壓抑，男朋友叫你早返你唔敢夜走，男朋友叫你唔准著低胸你唔敢著埋露背。
我唔覺得失去自尊同自由係一件好快樂同值得自豪既事。

有個穩定男朋友，的確係每天都風和日麗，世界一切好似(!)都好美好。
上當年既我，就係比一個穩定而又愛我既男朋友，每做一樣野佢都呵護備致甚至幫我做埋，就係咁，我就變成一隻寵物，仲要係一隻唔洗專登討人歡喜既寵物。

但係世事無常，尤其當係你開始覺得你下半世人都屬於佢既時候。

被遺棄既寵物，除左寵物既功能之外，呢隻野係咪已經失去自己既價值呢？係咪會變成一隻係垃圾堆中既廢物呢？
寵物既價值係由主人賦與既，所以我吹時不再甘於做一隻寵物，我唔洗驚會有被遺棄既一日，我有我自己既價值。

我的確係有再次成為一隻寵物既機會，但係我努力爭脫呢個機會，我唔容許自己為左人地賦與既三餐一宿而唯命是從，我吹時既價值由吹時自己一手創造，唔洗經由男人或愛情黎肯定。