實在非常抱歉，未能跟你出席今次既過香港拜山活動。

同時非常感激，你地無過問過我點解唔去，多謝你地既信任同體諒。

其實我今日係要出席好好好好重要朋友仔既畢業影相，又唔係叫畢業禮既，不過係全部人著哂畢業袍咁影相，好多親朋戚友都會去送花同禮物去同著住畢業袍既佢地影相架。

朋友仔真係非常之重視今次既畢業相活動，對於遭逢巨變既佢，我好想盡我能力令佢開心。
我知道我去既話，佢會好開心。

我明白，其實清明拜山呢d節日背後既意義，並唔係為過左身既人咁簡單，最重要係可以比一班在世既人有機會可以聚下，而最重視今次活動既人，我相信應該係女麻女麻。

新年既時候，你地話同女麻女麻影相，其實我都get到你地背後既意思，因為女麻女麻年紀已經大，身體又開始轉壞. . . . . .
今次缺席拜山活動，其實我都爭札左好一陣子，但係考慮到我既出現，對於重心人物影響既輕重程度，我估，我今次既決定應該係正確既。


其實可以有一日同你地可以好似去下旅行咁都好開，就好似果日去路環咁。