今日既presentation,得到全場熱烈既掌聲下結束,果下感覺就好得係今次實習旅程度,比我食返鋪尾糊咁。
”下!咁快完拿？未夠喎!“往往贏左少少,就會想繼續打既賭仔心態。（雖然好唔想用打麻雀黎比喻......）

真係好開心喎。開心,係因為得到其他人既認同。
點解得到人認到咁開心呢？

原來我一直以黎都唔記得左又或者意識唔到,設計,其實就係溝通既一種方式,當我既設計得到人認同,就等於同其他人溝通到,溝通到,就表示你唔再寂寞,唔再一個人。

就同我開呢個blog既目的一樣,都係想同人溝通,都係想人認同,想人明白我。

而越有個人想法（姐personal）既溝通（姐design）,越可以深深咁感動到人。
舉個反面教材,就正如楊利偉上到太空,問佢有咩感覺,佢既官腔答法,話咩感覺良好果d,好對唔住感動唔到我。
只係感動到耕緊田都放低隻牛去睇果班姨姨,同埋送佢上太空果班官,夠拿？

所以,出面公司做果d job,滿足到個客,又點丫,呢d官腔design,又感動到幾多人呢？


多謝VQ人提返我呢樣野同埋佢今日最大聲既掌聲,等我去,都去得安樂。