好開心又好感動。

佢地竟然會送我咁多次,係咪即係意味住佢地都會唔捨得我呢？係咪對我都有著一d感情呢？

我都知自己係會幾大小姐,同埋講野太直又太硬,再加埋樣串串貢咁,帶比各位同事好多麻煩,真係好唔好意思。

臨走呢一刻,感覺除左唔捨得之外,仲有幾分感激,真係感激架!
我團火,好似有返d起色。

真係好多謝T先生比我入workshop既決定,同埋之前...真係覺得好唔好意思...
仲要多謝J先生團火燒埋我果疊,同埋提返我好多野,教我好多野,可以擺入我人生中恩師list之中。
多謝K組長,present前一晚都黎幫我空中惡補,仲有份work同心理既輔導。
仲有H先生既,個周先生我完成唔到真係覺得好遺憾,係做周生既過程中真係feel到H生個人幾好。
呢四大金剛每一堂都比我地渣到變人乾,繼而一齊食宵夜,其實同佢地一齊真係好開心,得到好多,可能比我上左一年既堂學既野仲多。

其實佢地真係好值得為自己驕傲。

入左呢度,就好似入左個明星fans club咁,個個好似發左癲咁好似追明星咁去追設計。草明星相,剪報,睇演唱會等等變成草製成品,草雜誌,睇展覽。
無辦法唔比佢地既熱誠所感動。

條路係難行,但係至少唔寂寞。