衰貓終於重新投入佢既新生活。
衰貓係條街度行,佢唔知道,原來條街既地下係咁凹凸不平,行慣屋企地板既衰貓點會慣呢?衰貓戰戰兢兢咁一步一步,忍住雙腳既痛楚,行左一段路,真係好痛,睇下自己腳下既肉墊,又紅又腫,唯有自己舔下佢,休息一陣繼續行。
衰貓無立志到要做咩自力更生既叻貓,只係戇戇居居咁係條街度行,無目的,無方向. . . . . .突然. . . . . .
“喵~”
衰貓心諗,邊個喵得咁難聽?原來係有個人係度喵自己,人扮既貓聲,唔怪得咁鬼難聽啦~
衰貓開頭有d驚,不過又無聊,咪走埋去睇下佢做乜好地地一個人扮貓叫囉。走到埋去,果個野伸隻手埋黎,衰貓縮開,一臉狐疑咁望住果個野,果個野繼而利誘衰貓。係唔知邊度拎左d貓糧出黎,衰貓聞下聞下,心諗呢隻cheap野黎咋喎,不過. . . . . .都好啦~其實衰貓只不過係想留係果個野既身邊耐d,因為實在太耐無比人關心過喇. . . . . .
食左一兩粒,頂唔順,實在太難食喇. . . . . .走人!(其實應該係走貓)

又開始繼續行,以?又有人喵自己,相似既事不斷咁發生,又係一日復一日. . . . . .
衰貓就係靠呢d途人比既小小糧食過活,好彩咁都未餓得死,呢個世界既無聊人實在太多,或者間唔中都有人想收養左衰貓既,但係衰貓又唔領情,掉轉頭就走貓~

有時,見到有d小朋友,自己一個好寂寞咁坐係公園,衰貓就會走埋去撩小朋友,小朋友開頭會驚,但係慢慢小朋友發覺衰貓無惡意,就開始捉住衰貓黎玩。有時小朋友d無情力會整到衰貓好痛,但係衰貓都唔介意,因為衰貓知道小朋友係善良既,同小朋友一直玩到黃昏,小朋友要返屋企喇,小朋友同衰貓道別,衰貓依依不捨,但係又唯有繼續走. . . . . .