衰貓被肥婆推落街之前,望住傻佬而傻佬唔救佢果一刻,衰貓已經心都碎埋,其實比肥婆推落街果下,衰貓無做過任何反抗,因為心痛既感覺已經蔓延全身。
衰貓已經無何任既求生意志,唯一想做既,只係合埋雙眼,等待跌落地果一刻. . . . . .

好彩,傻佬屋企住得唔算高,衰貓跌左落一片草地上,但係就身受重傷,失去知覺。到衰貓醒返既時候,身邊原來係以前同佢玩開既貓朋友。
貓朋友見到衰貓咁樣,都好心痛,問衰貓發生咩事,衰貓淨係識趴係度喊,又或者攬住貓朋友喊,喊到?,就?,?醒一張開眼,又繼續喊. . . . . .
貓朋友可以做既,就係搵野比衰貓食,吊住佢條命仔,就係咁,又過左一段日子. . . . . .
衰貓終於停左流眼淚既生活,開始要為自己既將來打算,但係,衰貓可以點為自己打算呢?無哂貓本身應有既謀生能力,係咪應該搵過個新既主人呢?還是做一隻自力更生既流浪貓呢?