猛烈既陽光加一陣奇怪既過雲雨,令到路面有積水。積水受熱蒸發,散出黎既熱腥,令衰貓感覺到有d呼吸困難。
咁樣既天氣,衰貓又係條街度遊離浪盪。
當衰貓匿埋係騎樓下面避雨既時候,有人企左係衰貓身邊,開始撩衰貓玩。跟住仲擺左一碟親手煮既魚係衰貓面前。
衰貓好開心咁食左條魚,然後好滿足咁繼續行。

衰貓係一隻好鍾意諗野既貓。佢又個腦又開始勁轉喇。
如果頭先果個人收養左自己你話幾好呢~一個肯親手煮條魚比自己食既人,就算條魚幾難食,都會食得好開心,何況條魚仲要係好食添. . . . . .
但係呢d野唔係衰貓自己一個可以決定到,仲有好多因素。例如人地肯唔肯收養自己,收養左之後仲會唔會對自己咁好,收養左之後接唔接受到同衰貓既相處方式,果個人係咩人等等等等. . . . . .

其實衰貓唔洗諗咁多,都唔洗諗咁多丫~
時間會孕育出答案既果實。