星期六我同豬豬仲有大伯去左東涌釣魚，我同豬豬一放工就係文記等再去食飯，入到東涌都係兩點半，佢地整野既時候，我已經忍唔住用魚排試下有無魚，都唔洗兩分鐘已經釣左條中型石狗公，哈哈~好開心呢，姐係d魚開口食野啦~跟住我地開始用浮波釣法，大伯好勁呀，一開波就係咁中石狗公，哈哈~~其實我地係想釣白"立"呢!!後來我同豬豬分別都中魚，但係都只係石狗公，雖然我釣到一條好巨型既，但係都唔係大魚來既，釣到一半，仲有d魚家放網捕魚，唉~~嚇走曬d魚，但人家收完網之後無耐就中魚喇，嘩~支竿好彎呀!!!中好好力咁~~釣到上來都幾大條架，開頭都以為係白"立"來的，點知回到家睇清楚，先知道唔係白"立"係連尖呀!!姐係我地最後釣白"立"既計劃都係失敗左，無計啦，下個星期再去過!!!我個日既魚獲係好多好多石狗公同連尖一大條。我地用左d石狗公來煲魚湯，但係一d味都無，可能水太多又太小魚啦~仲個條連尖，清蒸---但完全係無魚味架囉~~可能連尖唔係用來清蒸啦!!下次我地會再努力架喇!!!!!!!!!!