星光熠熠蠟像館（下）…
當未睇過蠟像，就會認為蠟像會造得似真人，整個名人明星活靈活現在你眼前…其實當自己睇到後，純粹個人感覺啦…發覺啲蠟像反而似服裝店的衫辦公仔咁，而且感覺比真人小一點，照計蠟像應該以真人比例，可能只是自己眼睛的錯覺而已…
講開錯覺，入蠟像館除了蠟像多之外，仲有遊人多，有時錯覺到以為其中一啲冇乜大動作的人都以為蠟像…可能森老伯有老花啦！XXXD
蠟像當然仲有好多，繼續參觀…
（藝術名家組）
除了演藝名人外，當然唔少得藝術家們的蠟像…
（世界名人組）
平時我哋認識的世界古今名人，都係靠書本中的歷史相片，冇咩可能睇到有立體感的模樣，但進入蠟像館又可觀賞到古今名人的3D版～
（和平大使組）
看到他們的蠟像，就好似帶出一種和平的精神，而且戴妃更稱為人民王妃，當然深得民心啦…
（過早蠟像組）
呢幾位藝人，又會唔會太早有蠟像呢？！其實在館場裡都有幾多新藝人的蠟像係唔知係邊個！可能要迎合後生年青的一群，又或者森老伯已經同現今演藝界脫晒節…
（武打巨星組）
一個字「型」！雖然只是蠟像，但係都功架十足…唯獨李小龍的蠟像感覺唔太似！！尤其個冬菇髮型～～
其實整個蠟像館唔止這裡的蠟像，例如仲有體壇星星，有碧咸、風之后珊珊…可惜趕時間冇去參觀…睇過之後，發覺其實香港仲有很多很有名的藝人、名人都未榜上有名…最後行埋禮品部，當中有很多金像獎紀念品賣。
獎像有大中細，若然有閒錢不妨買番個練習一下，可能唔知邊一日你會上台講多謝邊個邊個，而家練定差唔多…哈哈哈！最可惜森伯冇閒錢呢！
最後想講館內的職員很友善，服務態度好值得一讚！
kaka
唔怪之得唔似梵高喇！
我初中時有一個時期好熱愛繪畫，曾經為了畫好一幅畫作而不眠不休。哈哈哈…
版主回應
梵高從自畫像睇應該較為後期的裝扮，而且臉部較為瘦…
你也熱愛繪畫？！有機會真係要post多啲作品畀我地欣賞…
高雄縣徵信公司
臘像做得栩栩如生，好逼真喔
真想去開開眼界^^
版主回應
你好~~有機會來到香港不妨到蠟像館睇睇!!
kaka
畢加索上面的是梵高嗎？
世界名人組整得好似，尤其是希魔！
版主回應
KaKa的確對畫家們有些認識喎!!畢加索上面那個是倫勃朗Rembrandt Van Rijn(據資料所講)是荷蘭17世紀名畫家...
係呀~呢組的名人較為像真!!
搞一爺
黎森仔度拜過年，祝猴年冇病冇痛，荷包常滿，私幫生意興隆！
版主回應
多謝一爺，都冇咩私幫生意搞，希望今個猴年有啦！！
祝你心想事成，銀仔變大錢…
ykk
恕兄好記性！當時d蠟像，蠟(look)極都唔像 :)
btw, ykk只記得Star Bowling, 放學後間中去睇，不是打．．．
版主回應
你咁講，忽然令我認起早排有報導的國內Ａ貨蠟像館～只係畀人當笑話…
如心恕也
香港第一間蠟像館應該喺尖沙嘴的星光大廈四樓，相信是四十多年了。
我還記得入場費要三元半（可能係小童），門口有一真一假門神，如果真嘅唔郁都幾難發覺㗎，至於裡面的就差不多全部都唔似！
版主回應
未有聽過這間蠟像館，這間多年前的蠟像館反而有興趣想知有咩名人的蠟像？！如果裡面的蠟像唔似，咁可以當猜名人遊戲！哈哈
我諗相比之下，現在的杜莎夫人蠟像館應該比較像樣～
都好多謝你的資料補充，你唔講真係唔知…
新聞台Blog小天使
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
謝謝新聞台的讚賞和支持,我會繼續努力寫好博文,希望你們人乃多加關注~稍後再去哈燒文章看看!!
ykk
職員友善:
森兄果日梗係企係度,眼定定, 成個蠟像咁欵, 兼且森兄似足少年甄子丹咁樣, d蠟像館職員誤會咗, 咪當平時保護蠟像咁, 小心d服侍囉!
版主回應
KK兄當森伯木頭人咩?!點會眼定定一碌木架?!!XXD
意思話若果你唔知館場內的地方,路線,佢地好有誠意去協助幫助!!
Gael
好彩森兄無手多多,一陣唔覺意摸著個真人就弊XXXD
版主回應
乜你覺得森伯平時會手多多咩?!!
之不過蠟像都可以畀遊人接觸,都見有人咁做,大會正式畀唔畀就唔知喇~~
搞一爺
我醉想揾比例最有問題嘅葉子楣（冇整啦）合照喎！因為視覺效果最震憾。森仔又想同乜水合照呢？
版主回應
醉震憾同醉經典的葉小姐都冇蠟像喎~~
森伯又冇咩偶像之類...若果有華健應該可能會合照嘅...
stella luk
我都同意，的職員服務態度良好！
版主回應
可能佢地做遊客生意,所以服務態度唔錯~~
ohtria
冇閒錢可以揸住碌葛練住先囉.
版主回應
渣住碌葛點都冇渣住個獎座咁投入卦...哈哈
唔怪之得唔似梵高喇！
我初中時有一個時期好熱愛繪畫，曾經為了畫好一幅畫作而不眠不休。哈哈哈…
你也熱愛繪畫？！有機會真係要post多啲作品畀我地欣賞… 2016-02-17 10:19:33