2015-05-07 15:02:50森源
飲得又畫得...
對於好多人來講，一杯咖啡可能只係飲品，估都估唔到咖啡都可以用來當畫具畫畫，有次在網上見到好靚的畫作，只是啡啡黃黃…殊不知原來所用的顏料全是咖啡！！可能平時少飲，又唔知原來咖啡都可以咁深色！
其實用咖啡當顏料畫畫，又幾夠創意～生活上又的確有很多東西可以運用，即時諗到可樂汽水，不過完成幅畫作會甜耶耶，仲有豉油…我諗老抽會較為適合～哈哈哈～普洱茶又未必可以上到色…總之創意無限，或者可憑諗頭就可以創作自己專屬的作品都唔定…
醫神（Houses）劇中的男主角James Hugh Calum Laurie畫得相當神似，一睇就認得啦！
呢幅名畫熟口熟面…上網查一查先知，原來中文名稱：戴珍珠耳環的少女GirlWith A Pearl Earring（仲有冇簡單啲呀…）連少女的純真眼神都描畫得淋漓盡致～
大象母子，連畫動物一樣冇難道！畫得紋理都好細緻～
唔需要多講，就是畫華特‧狄士尼Walter Elias Disney，連他所創作的經典卡通角色！！
生活裡有很多垂手可得的物品，只要動吓腦筋，就可以發揮無限可能！！
或者你可以話森老伯技癢，手痕痕又要畫一幅，我當然冇用咖啡畫，因為家中只有咖啡粉，太淺應該上唔到色，於是簡單直接用啡色顏料畫，大家都可以畀下意見森伯伯架！！
神仙魚同海草都係好扁平，人哋揀好立體嘅人物動物，效果會突出好多。
小雲、小吉最鍾意玩嘅咖啡色嘢係一嚿屎，都好立體架，仲好4D有濃厚味道添，會唔會打破森仔框框挑機畫吓呢？
版主回應
神仙魚海草的構圖比較易掌握嘛!!森伯伯又唔敢挑機喎~~辛苦畫完又唔知送畀邊個啱使...除非一爺肯認頭咁啦~~哈哈哈哈哈 2015-05-11 09:42:31
親愛的台長︰
恭喜您！此篇文章極為優質，獲選為本日哈燒文章，將會出現在新聞台首頁哈燒文章區塊輪播。請您繼續保持每日撰寫文章的好習慣，期待您提供讀者更多精采的內容，加油！
版主回應
多謝新聞台…我會繼續努力寫出精彩內容, 希望得到您們支持~~
2015-05-11 09:37:39
真心讚的呢^^