尋晚LOVE PSYCHEDELICO CONCERT, GOOD SHOW AR~

未開場前, 見到梁漢文, 原本都唔會留意到, 只係因為見到一大斑記者圍住一個人係咁影, 先特別去留意.

KUMI一開聲, 全部人立刻企晒身, 好強烈感受到萬人空巷嘅情形, 我同丹丹都忍唔住企埋身. KUMI把聲好動聽, 連說話都好似唱出嚟. 估唔到guitar嘅NAOKI都會唱幾句, 不過佢就怕醜啲, 可能英文唔係咁好啦~ 唱"MIND ACROSS THE UNIVERSE"前後都好對住觀眾講SAME UNIVERSE, 算係咁咦講過吓嘢, 基本上全程歌接歌冇停過, 氣氛好好, 當KUMI介紹下一首係"LAST SMILE"時, 全場人情緒高漲到不得了, 話晒係入門歌. 身邊嘅人係連日文都識得唱, 我最多都係英文果幾句咋~ 又有唱新歌"ALL OVER LOVE". 大家喺位度跳, NON-STOP咁拍手, 真係好開心. 我久唔久都望吓身邊嘅丹丹, 佢都好投入呢!

KUMI又係台上玩做手, 係咁叫"CIRCLE X", 我同丹丹都唔知佢噏乜?! 但都跟住用手做個"O"字. 佢唱咗3分2嘅時候又講笑話TIMES UP, 最得意係大家叫佢地出嚟嘅時間, 起勢咁用腳揼個地下, 興奮到傻~

成個SHOW都以輕快歌為主, 搞到我地都冇坐過, FING手都FING到手軟~ 11點幾完, 但絕不欺埸, 我同丹丹都好盡興.