記不清楚是10月還是8月的時候，己到公共行政大樓申請筆錄，時間被安排在12月17日上午10時15分。筆錄即是正式坐低讓職員登記相關申請，跟住還要再等5個工作天，等個官批左先可以揀註冊日子。手續比相像中繁複，要查清楚好多野，例如之前有冇結過婚，有冇生過小朋友等等(不像國內即辦即有，難怪會有咁多重婚案)，而且該部門每1日只會辦理少量個案，以先到先得的形式佔位，希望一切順順利利啦。

臨走前取了1份小冊子，才知道當天要有證婚人?又根據刑事法，才知道60天內須親身前往身份證明局更改relationship status?而且嬰兒出生30天內一定要替其換取身份證，否則檢察院會介入？如果有人冒認嬰兒父母處理有關事情，會判監禁3年並終生留有案底。。。好在有睇一睇，幾驚因為無心之失，又冇證婚人，又觸犯刑事法，又被檢察院介入，又要坐監，又有成世案底呀。雖然咁講好似有d戲劇化，但澳門係一個法治社會，真的要嚴正對待才行。

在法制之內握住你的手，真不容易。