俗語有云「無商不奸」

又到放暑假的季節，
新聞又開始報導今年的教科書又脹價多少。
不知由哪一個書商開始想到這條點子，
總之事無大少，每一年都要改一改版！
就算內容沒變，圖畫都要變下，頁數就轉一轉個次序。
環境許可就加價，就算唔許可，都必定要令那些窮苦學生買新書！
今年的加幅都有五至十個巴仙，
可算是為各家長們增添不少壓力。

最近因為整電腦，買新機等等問題，
發現一件事情，原來簡單如記憶體，已有很大學問！
我都知記憶體近兩三年，由以前用了很多年的sd-ram開始
轉了做 DDR-RAM, DDR-2 RAM......到現在開始有DDR-3 RAM
但當中DDR 有分 DDR133 DDR266 .... DDR400
而DDR-2 又有分 DDR-2 400, DDR-2 533, DDR-2 667, DDR-2 800, DDR-2 1026,

最利害的是，這些細分的東東，是每三四個月才出一種新的，
所以早一期的底板就用不到剛出最新的頻速的RAM.........

好像我家中有一部去年4月尾買的機，都是用DDR-2的RAM
公司部新機有兩條 DDR-2 667 的打算拿回來用.....
怎料只是一年零三個月前的板....就好像是上個世代的東西似的！
另一部機是去年九月的，卻又不是行DUAL RAM的.......又不合用！

根本現在的電腦商都是聯手的！
三兩個月就加快少少又出點新東西，
之後呢，每個人換機都發現舊機的東西不能移植到新機！

想UPGRADE部電腦？
難啦！

加RAM嗎？底板不適合用呀！

換埋底板啦咁。

唔好意思喎，換左底板粒舊的CPU又插唔入個新槽喎……

咁換埋粒CPU啦唯有.......

呀還要提一提你，現在的電腦是行S-ATA II 的硬碟啦！
你的舊IDE硬碟冇位俾你放喎...就算S-ATA都會拖慢成部機喎....

吓？咁即係又要換埋硬碟？

還有呀，你張好似好勁的AGP 16X 3D加速顯示卡，現在都插唔入喎！
現在要用PCI-E的顯示卡呀.........

咩話？年幾前買成千幾銀的卡都冇用？！
唉！好彩都還有隻火牛用得返……

其實現在的新板新CPU新卡新硬碟加埋，你隻舊火牛可能唔多夠力.........
喂！先生你唔好暈住啦，
我還未告訴你現在的LCD 顯示屏流行用16:10闊屏幕啦！
你去年用2千元買的19寸4:3 OUT晒啦......
現在22寸16:10都係2千2元罷！......
喂喂，唔好暈住啦，俾埋錢UPGARDE埋先啦........

根本成個電腦界都係夾埋的！聯手一起騙財！
每一樣東西都不停換制式，換插位，加少少速度又出一個新的！
機本上想升級部機呀？不如買過部新啦！
壞了其中一樣呀？一係買返件舊MODEL的回去替換啦，
不過舊MODEL其實比新MODEL還要貴！沒錯，又慢些又貴些！
但係如果你想買平些的新MODEL嗎？......
就會好似上面段對話咁.....牽一髮動全身！

這些招數真真利害！
由最傳統的書商，到最先進的電腦商，
都是用這些技倆！

真係要好好想一想，
這種技倆可否在日常生活中用上一用，
可能都真是一項絕活……

「你想改一改個網頁呀？得，不過個費用可能比重新做過還要貴喎！」
「唔好意思呀，這份報價已經是三日前的了，現在入面有些細項已經唔合用啦！一定要這項？！可能要加錢啦咁……」

唔...........
如果可以咁做生意.......
又真是幾好喎.....不過肯定好快可以收檔..........

除非可以做到大大間，越大間的公司，手段就越奸！
賣書的、賣電腦的、賣電訊服務的、賣電視頻道的........不用多說罷？！