今日終放都考完日文既 Midterm, 我總算盡了自己能力, 合格與否都以經唔重要. 考完 Midterm 後, 跟兩個同學去左街, 實行放任一下. 我地食完晚飯之後去左 Night Market, Night Market 即係好似維園既年宵市場, 好多野賣, 好多野食. 其實, Night Market 年年夏天都有, 但我黎到第三年都未去過. 因為阿 E 唔帶我去, 今次由個 friend 帶我去, 實現左多年既夢想. 去完 Night Market 之後, 朋友帶左我地去賭場見識見識, 有老虎機, 輪盤, 21點, 仲有兩個著得好性感既鬼婆. 咁大個人, 真係未正式入過賭場, 連澳門個葡京都未試過叉隻腳入去; 但呢度既賭場真係好有 System, 一入係門口就有人查身份証, 而 D 賭錢既人都好似無咁狼死, 賭得好斯文, 同我想像中既賭場好大出入. 今日一次過去左兩個從未試過去既地方, 心情都有點兒開心, 或者係考完 midterm 後, 個人無咁緊掛...