一個教授級人馬
可能要打成千年工
重要唔食唔住
先儲到十億大洋

不過
十億對李嘉誠絕不是大數目
佢交稅都交咗去

李姓財閥捐錢回饋香港
係天經地義
港大果個準醫生仔
識得接受有線新聞訪問
又唔知識唔識得想下
李嘉誠何來有咁多錢捐呢
係佢穿膠花賺返嚟
定係炒地皮炒地產賺返嚟呢
佢賺嘅錢又係邊個嘅錢呢

中文大學有幢樓一早劃咗俾姓李嘅人
呢幢樓正正係醫學系嘅主樓
叫李卓敏基本醫學大樓
當年李國章都係呢幢樓蹲咗好幾年
大家又知唔知呢位李卓敏博士捐過幾多錢比中大呢

有句嘢叫做
“為善無近名”
(做善事唔係為名)
唔知曾為大學校長嘅李國章識唔識呢
鍾意聽人讀文章嘅李嘉誠博士
唔知又聽過未呢

“為善無近名”嘅下一句就係
“為惡無近刑”
大家又明唔明呢