星期五 o既下午 , 係個悶熱 o既天氣 , 大佬陪我去街市買菜 . 行到魚檔 , 睇到有新鮮中蝦賣 , 價錢好便宜 , 只需十八蚊一斤 . 自從 大佬 淋巴有問題 , 皮膚就容易敏感 , 所以我唔想買蝦 . 於是我借 o左盲公陳隻眼 , 一於扮睇唔到 .
但係 大佬 係個為食鬼 , 佢好鐘意食 白灼蝦 , 見到又靚 又便宜 o既中蝦 , 佢又點會唔扭計買呢(大佬 有時好似個 baby 咁) .
大佬 :“魚啊 , D蝦好靚窝 .”
雙魚 :“係咩 ? 唔多覺搏 .”
大佬 :“真係好靚咧 , 買少少好唔好 ? ”
雙魚 :“唔好 , 邊個叫你敏感啊 .”
大佬 :“我食少少 , 好唔好 ? 買啦 .”
(以上對白重複又重複 , 我終於拗唔過 大佬 o既長氣 , 唉……)

雙魚 :“老細 , 唔該 , 來斤蝦 .”(對魚檔老闆講)
大佬 :“一斤太少啦 , 買兩斤啦 , 屋企有七個人 .”
雙魚 :“爹 o地、媽咪、大大嫂 , 都唔食 . 大大佬、雯雯、我食得又唔多 , 買咁多做乜 ? ”
大佬 :“一斤真係好少啦 , 買兩斤啦 , 好唔好 ? 我應承你 , 食少少 , 好唔好 ? ”
(以上對白又係 , 重複又重複 , 結果又係 大佬 拗贏 o左 , 我買 o左兩斤蝦 . )

返到屋企 , 我將蝦先灼好 , 熱辣辣放係客廳 o既餐檯度 . 呢個時候 , 大佬 就坐係餐檯旁邊將雙手托住個腮望住 D 蝦 , 個樣好似個為食 baby 咁 , 我 o地都忍唔住偷笑 . 等冇幾耐 , 大佬 就叫我 :“魚啊 , D 蝦食得沒丫 ? ”(邊講邊用手指去篤 D 蝦)
雙魚 :“沒得 , 太熱啦 , 等陣凍少少先至食啦 . ”
(於是 大佬 又好無奈咁 , 雙手托住個腮望住 D 蝦 . 咁樣 o既對話 , 又係重複 o左幾次 . )

我知道 大佬 敏感 , 而 D 蝦又係屬於濕毒 , 所以煲定去濕茶俾 大佬 邊食蝦邊飲 , 希望將敏感度減至最低 .

係食蝦 o既時候 , 我唔準 大佬 自己剝蝦 . 因為佢剝 o既好快 , 食 o既就多 , 完全冇節制 o既 . 係屋企得我話得聽 大佬 , 冇睇我細細個 , 我都好惡 o架 . 媽咪同大大佬好心軟 , 俾 大佬 撒嬌講幾句 , 就順晒 大佬 意 . 我唔會 o架 , 對 大佬 唔好 o既 o野 , 我點都唔會讓步 . 所以係屋企 , 家人都將 大佬 交俾我管住 ^__* 家人 o錫晒我 ^__*

可能有飲去濕茶 , 我俾 大佬 食 o左半斤蝦 , 大佬 都冇敏感 , 最開心 o既係媽咪 ^__* 媽咪讚我好叻仔 ^__*