今年犯太歲, 做起每樣事情都不順意, 更何況"完美"?

之前生蛇, 後有因小事而差點兒跟男朋友分手, 再有轉工煩惱, 昨天又有惡運--食死貓!

首先讓我解釋人物關係:
DS係某學校主席亦係我男朋友既同事
AL係我直系上司兼且是DS既好朋友
Y小姐係AL同DS既朋友

DS發起既國慶煙花晚宴由於人數過於緊迫所以只容許攜帶三位朋友參加. 而我男朋友得知DS有晚宴所以要求DS睇下可唔可以通融我地2個參加. 在未confirm既情形下, 我只係知道DS有活動搞, 但未知是否可以讓我同我男朋友參加. AL昨日睇報紙見到今年煙花盛事酷大, 所以自行打電話查詢睇下有無船上煙花晚宴, 因為AL本身係一個很鐘意湊熱鬧既人. 其實係我男朋友通知我有此活動既同時, 我都question為何DS唔通知AL呢? 但因為人數緊迫關係所以沒有通知AL!! 尋AL通知佢家人去購買門票, 而我就坐係公司一邊睇住佢打電話, 一邊開工. 差唔多五點, 有一個電話搵AL, AL隨即"瞄"了我一下並且說"你點解唔通知我DS有活動?" 我並不知道發生任何事, 只知道AL好惡. 之後AL在電話說"佢見我今朝撲飛撲得咁辛苦都唔話我知你有活動搞!" 好明顯, 我就是AL口中所提及既"佢"!!

當我了解了成件事情, 我知道我個口已經含住左一隻死貓, 一隻好大隻既死貓!! 原來AL之前打電話比DS既老婆, 唔知傾乜, 但係DS既老婆都無提到DS有活動搞. 之後AL再打比Y小姐, 又唔知佢地傾乜, 之後Y小姐同AL講及DS今年有活動搞.

一句講晒, DS一句"JACKIE都知道架!"就一個側身飛左個波比我, 而我好唔好彩, 食晒!~

在於我立場, 我只係Small potatos, 人地搞活動我有得去咪去囉, 我唔使同人講, 如果DS真係想AL去, 佢一早就同AL講. 如果係人數很tight, 咁就唔好再問AL去唔去. DS佢唔覺得自己有問題, 但我覺得有囉, 問題係你問完AL, 聽到AL好惡就撻我出黎話我都知道呢件事. 講真, 我只係細路女, 入世未深, 你有頭家有三個仔女,你係咪唔係好應該學下咩叫"責任"呀? 如果DS你自己覺得我同AL會無事既話我可以話你知, 女人係好煩惱好小器, 呢單野一定會令到我同AL有條刺. 不過無論我點解釋D人都會怪我點解唔一早同我男朋友講AL"撲飛撲得好辛苦", 但我唔覺得佢撲得好辛苦囉. 你可以話我stupid唔識得同我男朋友講, 我又唔係第一次比人話stupid, 只不過我當時真係唔醒起DS有活動既事. 算喇, 你地D死老奸諗野肯定諗得多過我, 今次係我黑仔, 不過都可以比我睇清楚D人係幾咁奸屎!!