第二天!! 2551
8/4-2551
奴隸生活開始了!! 朝早九點幾起身, 清潔砂盤, 貓寵, 貓床~~ 之後洗埋食物兜就可以開餐~
有相為証叮叮明顯係貪食妹, 永遠都要食先, 仲要食到咁無儀態, 真失禮~~ ((無咩紋果隻就係叮叮啦!! 食到成個頭塞落個兜個隻呢??))
到藍藍飲水, 好彩買左個二用兜, 事關佢地唔識用水樽, 都有個兜飲水.......
拿, 都話叮叮食完先到藍藍, 佢食完幾滿足比你任影相....唔知係唔係貓舍個邊時時同佢地影相? 所以佢地一望到dc就會眼定定比你影............唔開閃光一樣影到.......乖~
藍藍永遠都有點憂鬱, 心事重重咁既樣??
望下鏡頭笑下啦!!
睇.....第二日~ 佢地已經百厭到, 當個食物兜係梯..................千萬唔好玩爛呀.....
既然係咁, 搵d野比佢地玩下先..........
咪係一條繩......可能吸引性唔大, 好快就玩厭..............
訓覺.........佢地下午要訓一陣架~~
睇下佢地幾friend.........
夜晚出左去姊妹gathering, 收帖同傾大婚遊戲, 貓貓有樣好處就係........出街都唔會理你......事關佢地有伴, 簡直當係我路人甲, 又或者工人.........
返屋企快快清潔砂兜............唉....養二隻最麻煩就係有洗不完既砂兜......一隻去完又一隻, 又大又小, 有陣時開圍添............. 唸自己都算有愛心..................因為我既臭覺比一般人勁..........所以自己都覺得自己偉大.............
下一篇:叮叮,藍藍性格篇-2552
對貓大隻左好多呀!
係呀!! 佢地足左3個月, 小朋友好快大架!!