7/4-2550

正所謂一物治一物, 我真係有今日~~ 平日只有我蝦蝦霸霸, 如今比二隻貓蝦!! 仲要一來就挑戰我既極限, 明知道主人有潔癖...........整到周身都係屎考驗我............經過今次考驗, 看來將來咩都難唔到我~~

事源一早起身出發去接叮叮,藍藍, 貓舍主人亦都打點一切, 去到幫藍藍, 叮叮清潔, 開開心心一切順順利利..........(老公仲專登打電話比我, 問有ok唔ok), 個陣仲扮叻叻咁答無問題, 後來先知道出事..........因為藍藍太驚, 係個袋到便便.......本來都無乜野, 準備定尿片......點知個衰妹攪到周身都係, 仲連累埋叮叮, 去到診所先知道出事, 打開貓袋............二隻野全身都係屎......., 完全無唸過會攪成咁.......快快拎張尿片出來擺係張chair度, 跟住一隻一隻用濕紙巾係咁洗, 洗, 洗, 個陣太多人望住, 所以真係唔顧得咁多, 又無手套....唉...........(之後既情況唔駛講啦) 都心照.............

最慘係診所無得洗手, 逼住用濕紙巾, 好彩遇到有心人比左支消毒洗手液我, 仲係好香個隻....依個見面禮, 一世難忘!!

身體檢查既時候, 叮叮竟然惡到想咬個護士.........幾驚呀!! 唔知點解抽血佢地反而無野...(真奇怪)......攪掂哂所有野就call的的回家.........好彩叮叮訓左, 藍藍就抱係腳度, 怕佢又驚, 又來料...

p.s. 經一事長一智, 第一次帶貓貓回家, 真係唔好放係貓袋, 最好搭車既時候, 放佢出來, 咁佢地先有安全感.......唉............仲怕一放出來佢地會周圍走, 錯哂...佢地怕反而好乖, 靜靜係你身邊唔郁.............>.<



你地就訓得舒服, 因為乾淨哂..........而我?? 整左大半日想死添呀~~ 好彩係叮叮返到屋企仲訓緊, 可以一心一意同藍藍清潔炸.....事關佢地怕風筒, 所以用暖風機吹, 吹足我半個鐘, 陰公....




藍藍唔駛扮可愛, 屎屎妹永世難忘!!




貓書話第一日回家貓貓會驚, 真係完全唔覺囉, 睇佢個樣就知道好舒服啦~~ 怕........我怕佢就真!!




叮叮就係屁屁妹, 唔知點解佢時時放屁, 仲要係超臭個隻......回家的士途中係咁放, 好彩司機無出聲, 我話貓貓放屁...司機聽到o哂咀................睇你地幾失禮.........>.<




唔知點解佢地超鍾意係上面望番下面..............感恩係:-

1) 佢地識去洗手間, 仲非常有手尾, 識用砂蓋住d便便.......要讚!!

2) 識飲水, 識食野.........讚!!

3) 識跳上上格..........

4) 好快知道邊度係訓, 貓草公仔識玩, 抓板都識抓.......聰明....

最蠢係竟然唔識用飲水樽? 真係連倉鼠都不如.........真係唔知點教...........




唸番養二隻雖則好辛苦, 而且對新手來講真係挑戰人類最高極限.......不過睇番養一隻貓既朋友, 貓貓回家頭幾日都會唔食野, 唔飲水, 得個驚, 而且好多腸胃都差..........貓舍仲開左d腸胃藥比我看門口...........

touchwood佢地咩事都無! 仲好快適應, 快到你唔信添.......

有陣時唸......如果我去到一個陌生環境, 又或者迷路, 一個人既時候都會驚, 如果有個朋友陪住, 個心都會定點呀!! 就係咁...........先買二隻................

唔怪得貓舍個女仔講, 買二隻整件事都會唔同..............就係咁解~~

叮叮, 藍藍, 要健康成長..............我都算係咁架啦........