9/4-2552

朝早10點幾起身, 照舊做清潔呀姐, 試下比佢地出來玩......(一放出來真係玩到short哂), 幾辛苦先捉到佢地返入籠............之後食早餐, 訓晏覺~~

觀察幾日藍藍性格偏男仔......唔會好嗲, 唔係好痴我, 叫佢唔會應..(唔知係唔係藍藍比較低音, 佢地唔係太聽到呢??)...係一隻非常自我既貓~~




叮叮同藍藍性格完全唔似.......叮叮性格好嗲, 好痴我.........時時扮可愛, 扮可憐, 博同情, 呃我放佢出來............唔知叮叮係唔係高音一點, 叫佢會望我架.......

睇..佢就係用依種哀求眼神,加埋一對手.......仲有喵喵喵, 係咁用對手拍你...........




之後繼續扮可愛..................




眼定定望你....................莫非都係想出來玩~~

唉............最後都係衰心軟, 放佢地出來..........都係果句, 放就易, 捉就難...........

仲有開始熟悉環境係度攪事...................

睇來我又中伏.............