5/3-2152

新年畫完花, 滿腦子只係唸住畫蝴蝶, 完全唔記得左想整變色甲添........

由於上到去小玲仲幫緊上一個客整腳, 所以大把時間睇甲書...可惜係有左主題之後變得仲難搵左......太深色又唔想整, 蝴蝶款又無乜...終於搵到一個似岩似唔岩既甲.....因為係黑白色...而且隻貓小玲覺得唔靚, 最後傾傾傾改改改就變左依對甲啦!!

好鍾意每邊手指有一隻白色.....而且白色畫花好出, 畫到隻蝴蝶好靚, 朋友大讚好高貴好靚呀!! 望望望望左全日都唔覺得厭........^^ 而且改左紫色變得春夏左不少.........

今日同小玲傾計, 真係自愧不如, 回想22歲的我仍然係一個細路女....(坦白講直到宜家都無乜改變過)仍然係溫室小花......相比小玲就好叻女, 識開甲店, 面對任何事都好識處理,而我一有咩事就搵老公架啦!! 講番出來真係失禮炸....所以講左n次自己幾多歲, 小玲仍然唔覺得係咁大個......因為我連自己都唔係太識照顧.....又邊似咁大個呀!! >.<