屯門一天遊-2118
朝早10點幾被頭痛整醒, 忍無可忍要食止痛藥先可以訓番........(超辛苦)~~
本來唸住唔去飲下午茶, 但係又唔知點開口, 因為約人既係我, 媽咪大哥又係屋企stand by, 所以2點幾起身暈下暈下都照出發.........
最攪笑係大哥打電話比我, 第一句就係:-
哥:- 小公主你係邊呀??
me:- 無野呀?? 係度排隊拎錢囉
哥:- 駛唔駛去接你呀??
me:- 傻左咩, 我識去酒樓, 唔駛你護送........
哥:- 咁我退下啦!!
講真.......老公都未試過叫我小公主呀!! 大哥睇來都short得幾勁............唔怪得之媽咪同嫂嫂都怕左佢..........
飲完茶同嫂嫂逛街, 好耐無去bauhaus買野啦!! 自從去左d-mop之後~~ 見特價又有時間就逛逛啦!! 一逛真係出事, discount既睇唔岩, 一野就睇中新貨.......
貓貓T好可愛呀!! 簡直係一見鍾情..........但係$395買件T真係超敗家.......新貨得個9折, 折完都要359....................最後.............咪買左囉~~ 鬼叫鍾情貓貓咩? 好易失守架~~
幸好拉上補下, 短褸做特價$995>$398..............見無乜依d外套...........又平又抵......(雖則侄仔話唔買最抵)~~ ^^
其實一入店唸住只係買依條打底星星褲.....質地超舒服~~ 嫂嫂話200幾蚊都值得買..........估唔到買下買下又成k.........仲屈左個sales嘔張100coupon添~~
好得意既熊熊拖鞋...........過年著呀!! 感覺仲靚之前買既kuromi拖鞋.......毛毛質地舒服~~ ^^
夜晚食飯, 媽咪竟然講左句..........囡囡你既戰利品得咁少? 以為你又瘋狂買野添............睇來係媽咪心目中我真係有購物狂............
不過老公聽到買左三樣野覺得多, 仲話你又買野呀~~ 睇來開始對娶左個購物老婆開始有微言....................>.< ((點解上次買七件又無野, 今次買三件會話我)) 男人真係無定向風............好難捉摸呀!!
下一篇:乖乖女辦年貨-2122
件貓貓tee好得意呀!
條星星褲之前妳係唔係買過Ga? 妳係唔係有條綠色Ga?
都幾鐘意見外套ar...好型ar..