內心世界~

2007-04-13 15:10:01比比

第五天(富士急, hello kitty land, 新宿(1087)

留言 0 收藏 0 推薦 0

第五天 - (1087)

感受一下得番三度氣溫既感覺? 一句字形容(凍到入心)
盡量將d衫玩層層疊著哂上身.....但係都好凍~~
天氣唔好, 望唔到富士山, 唯有參觀富士山觀睇下圖囉.......

入富士急既時候快快買對冷手襪撐住....隻手凍到甩出來咁濟.......好辛苦~~

入到去落毛毛雨, 仲凍......心唸想玩個急流, 估唔到團友拉大隊去玩鬼屋, 什麼精神病院...依樣野自己最怕, 唯有同其他團友既女朋友一齊等~~ 老公話自己最大膽行最尾一行10幾人, d鬼都唔敢走出來...仲無聊到同d鬼傾計學日文..(唉..佢真係古靈精怪)..話咁多人一來唔怕, 二來講明你唔比我掂你, 你又唔可以掂我..怕咩? 如果想驚的朋友, 記住玩既時候最好1個去, 或者2,3個..包你感受唔同....千萬唔好10幾人..鬼都怕左你呀~~

跟住快快去玩過山車, 導遊又話最新最刺激, 老公玩完話無料到, 早知玩最長果個啦~~ 本來想一齊玩多個game..點知已經要食lunch要走啦....買左3個game既ticket都浪費左添........>.<

結果全個富士急? 本人係邊..凍到同另外一位團友既老婆係間shop度傾計, 等二個百厭既老公玩過山車囉..........

食飽lunch後出發去hello kitty land, 正是自己最開心既時候.......
被老公笑..童心未泯, 一入口門見到好多公仔同人影相....結果同小朋友爭影相添...真係好可愛呀!!

第一時間去排hello kitty屋參觀, 排隊都幾多人呀~~ 但係無可能唔入去嗎? 入面一定好靚jel~~ 老公笑笑..(我去排隊, 你快快去隔離間精品店掃貨啦)...結果自己排左一陣就入屋, 入面真係好大好靚....樣樣野都好齊全.....^^ 最後仲有機會同hello kitty影相添...當然..張相自己有買番屋企留念啦~~

參觀完之後買精品, 根住去玩500yen抽獎....同老公一人一次.....嘩..老公竟然抽到大獎, 係部cinamoroll夾餅機呀~~ 個女仔即時笑笑口講...仲係咁拍手掌恭喜添呀~~ 初時都唔知仲咩...唔識睇日本嗎? 見到佢指住大獎先知道...老公係得既...最後仲有抽到hello kitty二獎既大浴巾比我..自己都唔拾輸抽到個飯碗........總之抽獎好開心啦..仲有勁擰蛋.........開心到不得了呀!! 收獲十分之豐富..仲開心過小朋友呀~~ 因為...真係想要咩就有咩囉...老公不斷講買啦買啦.........哈~~ 可能知道幾多精品不及一件bv.......^^

逛完之後去新宿行街, 見到滿街都係依d男仔...仲有d型女..打扮好潮, 點解全部人都著黑色西裝??

講起就激氣...1個鐘時間逛街, 問得間shop來...去到間shop都唔見半個鐘來來回回, 結果表演半個鐘連退稅買左5對鞋~~ 過程就係入到去...將覺得ok既鞋放哂係面前..老公又不斷去拎d鞋比我試......好多好多都無size, 結果大少少都照殺.......相比隔離果個都係香港女仔, 佢男朋友真係要不得, 陪女朋友買一對鞋咁大把..個女仔試左一陣問令唔令..個男仔唔耐煩, 講左句, 你慢慢買, 我走先?? 嘩.....幸好老公依樣野拎足100分jel~~ 仲幫我衝落去退稅添...要快嗎?