第四天 - (1086)

酒店Wedding shop佈置, 真係好可愛呀!! 忍唔住臨出發都要影番張相先~~
(但係點解minnie會襯唐老鴨??)

天氣開始凍, 好大風, 今日仲要去遊船河添??

箱根蘆之湖遊船, 究竟係什麼東東?? 先係商店上面食左餐普通既lunch....開始唔舒服, 作嘔作暈.....幸好飲番碗暖湯之後好一點...(同自己講一定唔可以病病)以為就麻煩~~

食完lunch落手信店逛逛, 又係入hello kitty既好時機...真係咩款都有, 之後出去逛逛影相, 好大風呀~~

遊船? 原來係遊賊船, 外型十分攪笑, 估唔到真係賊船咁款??
上船影下相, 半個鐘左右好快就落船lu~~

跟住去平和公園, 感覺好寧靜, 好多石獅子代表每個國家希望世界和平。 唸番起當年侵華, 不禁覺得.....世界和平好緊要~~

逛左陣就落毛毛雨, 天氣仲係幾凍, 公園都無咩櫻花睇?? 好可惜...如果唔係成個公園都有櫻花的話一定好靚...........

逛完公園跟住去御殿場outlet, 初時以為係一間大大既department store, 去到既時候..嘩...原來係咁大......有超過100間名牌, 每間都係獨立既store。 團隊精神, 到此一遊得2個鐘時間, 行頭行去街尾搵gucci..已經半個鐘有多...去到望望有咩款未見過, 心思思想買....老公知道心頭愛BV..逛左好耐都唔知有咩可以買到手.....OUTLET既款普通...不過間唔中都有好野, 時間咁少點搵呀? 最後老公仲要表演10MINS買DIESEL JEAN添......哈~~

全程都係走走走.......買,買,買.........拎左好多leaflet返香港, 下次自由行先慢慢行......果度咁大行一日都得啦~~ ^^

夜晚返酒店食自助餐, 都OK, 好多野食........原因係我地唔食刺身船, 幸好都有唔錯既自助餐食~~

跟住返房..無浸溫泉呀~~ 事關聽日導遊先講氣溫由10度跌到去3度...正一CHEAP精, 去OUTLET前唔早講, 以為係WESTWOOD買左頸巾撐住先......因為條頸巾MADE IN CHINA...所以無買呀~ 如果知道咁凍的話..點都買番條啦.......>.<