默然讀白
http://home.educities.edu.tw/moikasil/
----------




　　大家好，我是默然。

　　時常有朋友問：「默然是不是袂曉講話。」或者是「默然是否無愛講話。」其實默然並不是無愛講話，而是有寡話想卜講，卻是毌知卜遂佗位講起，也亦毌知卜講乎誰儂聽，終歸尾，伊只好選擇默然。

　　這期的驛站報報以這款方式跟大家開講，毌知汝會慣習否？歡迎到我的討論區、默然驛站，或者是Ｅ甸園生活文學館（佇彼我有主持一個古文區），歡迎大家來走走、看看咧，並且提出汝的看法敆意見。

　　今日想跟大家講台語歌曲。

　　大家不知有注意過否，近來台語歌曲製作有愈來愈趨精緻化的趨勢。不只講究旋律美妙，佇歌詞方面也有真值得咱來思考敆探討。

　　咱先來講江蕙小姐的這首「家後」，這首歌歌詞裡頭以女性觀點來詮釋婚姻生活中夫婦的相處。其中有一段伊講著「有一日咱若老，找無人佮咱友孝......等待返去的時陣若到，我會讓汝先走。」亦若是「有媳婦囝兒嗣世佮咱友孝......等待返去的時陣若到，汝著乎我先走......。」這段歌詞乎我想起一位長輩，伊曾經講過，待年老時，伊希望乎伊的尪婿先來離開人間。

　　當時默然亦足細漢耶，感覺足意外，是按怎姨婆那會按呢講？咱愛一個人咁毌是攏希望伊會當過得好好，甚至有啥麼不好的代誌嘛希望自己來承擔，這才是真愛呀！是按怎姨婆敆丈公感情這呢好，汝卻希望看著伊先走？

　　一直到了國中，讀著林覺民的與妻訣別書了後，我才知影當時我姨婆所講的話，包涵著外呢深的愛。佇這必須說明的是，我姨婆本身並無囝兒嗣世，所以當伊必須面對生離死別時，伊寧可自己承受孤獨敆失去至親的儂這種痛苦，亦不願意伊的尪婿年老無伴。這是何等深的感情啊？

　　默然感覺足幸福耶，因為佇家己的親人內底，有這呢知影愛是啥麼的人，也佇我抑佫彼呢細漢的時存，就教我愛的真義。

　　聽著「家後」這首歌，乎我再一次感受到愛情是啥麼。
----------

【家後】

有一日咱若老　找無人敆咱友孝
我會陪汝坐惦椅寮　聽汝講少年的時陣　汝有外摮
吃好吃醜無計較　怨天怨地嘛袂曉
汝的手我會敆你牽牢牢　因為我是汝的家後
阮將青春嫁置恁兜　阮對少年遂汝遂敆老
人情世事已經看透透　有啥人比汝巧重要
阮的一生獻乎恁兜　才知幸福是吵吵鬧鬧
等待返去的時陣若到　我會讓汝先走
因為我會嘸甘　放汝為我目屎流

有一日咱若老　有媳婦子兒友孝
汝若無聊拿咱的相片　看卡早結婚的時陣　汝外緣投
穿好穿醜無計較　怪東怪西嘛袂曉
汝的心我會永遠記牢牢　因為我是汝的家後
阮將青春嫁置恁兜　阮對少年就遂汝遂敆老
人情世事嘛已經看透透　有啥人比汝巧重要
阮的一生獻乎恁兜　才知幸福是吵吵鬧鬧
等待返去的時陣若到　汝著乎我先走
因為我會嘸甘　看汝為我目屎流



2002/4/1