今日約左隻鬼同老闆一齊上大陸廠，約哂９點荃灣等，而我先上ＭＴＲ等佢，點知去到打俾佢電話唔通，心諗死啦，會唔會唔記得架！之後連老闆都打黎問佢到未，我就照直講啦！老闆掉底一句例遲就收線．．．

佢終於到喇～～原來佢電話ＮＯ　ＮＥＴＷＯＲＫ，我一直都以為佢買咭用，會唔會用哂Ｄ錢呀，點知我番落香港果陣諗住帶佢入錢啦，７－１１係冇得買佢果張咭，之後我就幫佢打去問下啦，原來個台個ＳＥＲＶＥＲ要整一個月，所以佢個電話咭用唔到，呢個教訓大家下次記得有外地朋友黎香港又想買電話咭既，記得提佢買大公司呀！！

同佢攪掂之後，我要落太子喇！今晚同ＵＮＣＬＥ慶祝生日，我地一行７人去鳳城酒家食晚飯，雖然我都知自己都冇乜野食得，但係亞浩老豆生日冇理由唔去架嘛！！好耐冇見過ＪＥＮＮＩＦＥＲ喇　～～　佢係大ＪＡＣＫ契媽既囡，佢番黎香港ＳＨＯＰＰＩＮＧ，係咪好勁先！！哈哈　～～

今晚既野食幾好味，當然我都有試乳豬啦．．．死就死啦！呢個星期預左肥，哈哈　～　我仲要左甜品添呀！真係正到爆　～

好喇　～～　睇下我今日食左ｄ咩先：

早餐：１片麥包／１盒脫脂奶／２個奇異果

午餐：半碗白飯／１碗肉碎粥／半碟西洋菜／１塊咕嚕瘦肉／半件豆付／１匙魚肉／１粒牛丸／１匙羅白焗飯（有臘味）〔預左呢餐都肥死左．．．今日好似半放棄況態咁．．）

下午茶：２個奇異果

晚餐：１碗白飯／４件雞胸／１碗翅湯／１件燒乳豬／２碗豆苗／半碗蓮蓉西米布甸