中秋節-分流宿營
日期: 17/9/2005 – 19/9/2005

分流是位於大嶼山的一條小村, 鄰近石壁水塘, 對面海是澳門, 可從大澳坐15分鐘快艇或在石壁起步行兩小時便到分流,平日村裡只有兩個老人家住, 一個開士多, 一個種菜, 不過假期時節, 在外打工既村民都帶小朋友回村玩樂。

中秋節, 我亦跟幾位行友一起去分流玩。我們在大澳坐船入, 在快艇上看到雞翼島, 如果潮退, 可以步行過去, 還有很多魚仔在海面跳下跳下。船夫告訴我們已掛起一號風球, 風浪開始起變化, 我們都知道打風,但沒想到那麼快打到香港, 知道也沒用, 都入了村。屋外便是沙灘-西灣, 我們立刻換衫換拖鞋去沙灘玩水、爬”沙白”(形狀似大大的蜆), 四周都是果樹, 有番鬼荔枝, 香蕉……。晚上到碼頭釣魚, 晚餐是BBQ, 炭燒沙白好好味, 又肥美,又原汁原味。

第二日早上, 我地先去採野果, 比d蚊咬死, 不過好過癮, 然後參觀婆婆既農田, 婆婆種左好多植物, 真係可以自給自足, 有菜, 檸檬, 香草, 番薯,水瓜, 木瓜, 辣椒, 竹, 無花果, 番鬼荔枝, 香蕉, 芋頭, 彊花, 塊田都幾大, 全是婆婆自己打理, 好利害架! 之後, 一些人去山澗游水, 而我留係沙灘釣魚,再上山走走, 行行下就行到見到雞翼島, 原來有個沙灘架, 不過太靜, 一個人唔敢行太遠, 而且水都冇帶, 仲咁啱遇見第二隊行友, 他們早上9點係大澳出發, 慢慢行黎分流, 12點幾就到啦, 我地一齊食冕, 然後去東灣睇天后廟, 歷史遺址-分流城堡,行左兩小時,好睇, 上到山上, 270度海景, 又好風,好正。佢地4點幾就走啦, 可能要回家做節, 而我地繼續努力爬沙白, 黃昏時分, 可能受颱風影響, 及正值十五潮退, 風浪越來越大, 海中心都反起浪潮,沙灘既沙石好像被大海吸走, 所以我們有些少收獲就停手。這晚我們食上海年糕和公仔麵, 之後坐係屋外賞月, 下左一陣雨, 烏雲才被吹走, 看到又圓又大又光既滿月, 還看到月暈現象 (月亮四周圍著一圈彩虹), 除了這個特別現象外, 我們還看到對面岸既澳門放煙花, 哈哈 ^.^。

不過這天真的很累, 10點幾就上床睡覺啦, 夜晚,雨越下越大, 我連第三隊行夜山黎既行友到了也不知道, 一睡到天亮, 有些行友沒有睡,在沙灘睇蟹。第三天,由於行友有很多水果要拎, 而且天氣不穩, 我們12點就乘快艇走, 有點樂而忘返,真係唔想咁早走,仲有好多野未玩, 未出海釣魚,睇白海豚,拾青口, 又未影相(相機壞了)。好快我會再黎架~~


p.s.圖中是睇完日出落鳳凰山既情景