2011-03-18 21:53:03Edwin
各種災難...令我更要學懂珍惜身邊既人
女朋友去左台灣玩~~~
佢喺台灣既相..請參閱佢既fb..小弟勁+十分+相當佩服佢擺張素
顏相喺度....不過我成日都講...其實佢素顏仲靚過化妝的...
所以我經常性都同佢講︰
你呀!嘥晒啲化妝品~~~~~
而佢就笑笑口同我講︰
呢句野而家講就好聽既,如果廿年後講,我踢你落街呀!!
(聰明既朋友...自己get吓啦)
唔知做乜...女朋友仔去左台灣第二日..
好似有啲唔係好慣咁..囉囉攣..哈哈
不過佢好快就快黎lu
自從汶川...同埋日本發生大地震之後...
更加覺得要珍惜身邊既人..
個天安排人幾時死無得預計...
但係自己點對人就掌握得到既...
今日可能開開心心..可能聽日已經...
人又點預計到親人會喺無徵兆既時候忽然走左丫...
所以最佳方法係對身邊既人好啲....
永遠都要抱住要珍惜對方既心境....
好似對阿儀咁....而家同佢開開心心...
恩恩愛愛咁...我希望永遠都係咁...
阿儀成日同我講...佢而家因為工作既關係...
令到自己既性格變化左好多...
佢話而家有好多老人家...有啲好苦...
但有啲依然過得好幸福...
有一啲老人家...過馬路時仍然拖住老伴....
又好似有一次同阿儀食飯...
隔離枱有一對公公婆婆...
個公公幫婆婆拉「鄧」...
公公仲同婆婆講︰唔好食得咁熱氣啦...你早兩日仲病病地...
婆婆︰好啦....
真係好深刻...
好好珍惜身邊既人和事呀....
給女朋友︰
多謝你留俾我既悄悄話....好感動....
好開心你會同我講呢番說話......
雖然我無廿個車位....無幾層樓..亦唔係家財萬貫...
但係我卻有一夥對你真誠的心...