2007-12-08 星期六

今日一早就起身..
呢排睡眠都唔好
一晚都醒好幾次
而且琴日發了一個夢
見到她喺網上偸了我QQ
還有所有我網上的東西~
幷且她不心息..
仲請了一個殺手殺我
我好驚...
究竟我幾時先可以擺脫呢啲生活
幾時可以走出來~


起身後打電話俾你
你說出去天成路吃飯
我喺屋企吃完中午飯後
就過去揾你了
下午兩點但去到你屋企樓下
打咗10幾次電話俾你都冇接
我又揾唔到你了
我好擔心..好冇安全感..那刻覺得好無助!
好著急 不知所措
不斷打電話俾你.一邊好著急周圍行..
打電話打到我手機冇電了
喺公用電話打俾你
依然冇人聽~
我好擔心..一路行一路打電話俾你
你終于接電話了!
我忍唔住喊出嚟
因爲我真系好驚啊
好想你立即就出現喺我面前攬住我
俾安全感我~
後來先知原來你去咗万宁買道具
跟住一齊行番屋企


下午四點幾..我出去陪表姐行街
因爲佢失戀了. 又喺有第三者
所以我决定去陪佢
但.......我更加想喺屋企陪汇堂
因爲一個星期先可以見1-2次
對于我來說相見很珍貴
可是我答應過表姐唔會放飛機
所以我帶著牽挂的心出去行街
汇堂就喺屋企玩魔手
跟住瞓教...


我行完街番去屋企揾你喇
好開心..可以見你了
点知你仲喺度瞓緊
叫我入咗房陪我


但....突然你手機有短信
我好自然咁睇下喺边个
是她!!
我好衝動咁要搶嚟睇
但你搶回去
我話:”俾我睇”
-”我睇先”
我好嬲:”喺咪唔俾我睇啊”
-”我睇先啊”
聽到你呢一句,我放手了
轉頭就留下眼泪
你睇完短信遞過手機俾我睇
我一邊看一邊喊得更加厲害


此時..手機震動了
是她打過來
你望住手機想接
我搶過來好激動咁講:”喺咪一定要接啊!”
我冇理你立即望住手機想按”接听”按鈕
好想親口對她說.你以後唔好再揾我男朋友!
但我沒有勇氣 于是我只是望住那個電話號碼
喺度喊......
手機停了 我把手機還給你
轉身抱頭痛哭
你起身摟住我
”你喊咩野,一條短信而已,你喊咩野喔”
我講唔出一句說話
只感覺到心好痛


我覺得自己好懦弱
点解應承過自己的事情會做唔到!
面對一個傷害我地感情的人
我會如此不勇敢去反抗
点解到今時今日她仲要揾你
難道傷害我還不够多嗎?
難道一定要我傷心不可?
我抱著你哭著...
邊對你說:
”你叫她放過我.好唔好.我求下佢.唔好再咁對我.我真系唔可以冇咗你!”
点解我會咁卑微 我感到自己好冇用
你聽到我講,忍不住哭了
抱我更加緊了
”你唔好咁講,我會好內疚.”
于是我地揽住一齊喊
我看不過眼 替你擦眼泪
我唔想見到你喊..我好心痛!


你對我說.她揾你只喺单方面問題
就好似以前一樣
以前我爲唔想你唔開心
想你忘記一切唔開心
我改了電話號碼,QQ丟入黑名單
將所有所有都删除了
但現在的你冇咁做
QQ只删除到陌生人
手機還能够令她找到你
我唔想我地生活裏面再有这个人出現
因爲只有一日有她
我一日都唔会開心
唔會喺陰影中走出來


你話喺我太大壓力了
每日想著唔開心的事情
所以越踩越深..
我真的唔想每日過呢啲日子
但好多嘢.我問你都沒有如實話我知
所以好多時候我自己亂諗
越諗就越唔開心
諗到頭好痛!
好想你一切對我坦白
之前的我都可以原諒你
現在還有什麽不能坦白話我聽
唔好再令我心痛了好嗎?
我知道我依家冇咩可以做了
如果你明白的話,你會知道應該點做
我現在只能等....
等時間過去.....
等你.......