今日竟然冇出過街,唔好話我媽咪覺得奇怪,就連自己都覺得出奇,因為識我嘅人都知我唔鍾意留係屋企個種人,就算冇嘢做,點都要出街兜個圈,成日覺得長時間困係同一個地方會好頹廢的,所以我好憎搭飛機,更加唔鍾意去個d咩星號物星號之類嘅郵輪.

本來諗住今日就開波做功課架,但始終打破唔到"傳統",真係唔係deadline之前兩三日都唔會開波,其實我真係好想好似我d同學咁一早就做晒功課,然後仲有時間慢慢執grammar,但每一次我都係到最後個日先做完,唉,算啦,我唔會再迫自己架喇,總之最後可以係deadline前做完就得喇!!!!!!

唉,我就嚟對檸檬茶病入膏肓喇,今日又吊瘾喇,跟住咪叫我細佬係番屋企前幫我買囉,點知佢又唔記得,之後我就毫無留情之下係咁鬧佢囉,最後佢都幫我落街買番,攪到我幾唔好意思呀,不過算啦,大家一家人嘛,哈哈.......
不過講真句,我承認我d脾氣好大,但相比幾年前嘅我,已經收歛好多喇,加上自己對好多嘢都睇開咗,冇以前咁執著,咁都好嘅,冇咁勞氣嘛.....