五月二十二日, 星期五

今日屎先生請我食buffet(金沙呀~>_<~), 之前已經好期待, 因為係第一次入賭場, 屎先生知道之後, 好有風度咁帶左我"繞場一周", 咁大個女, 終於第一次深入賭場! 但係我都冇玩到, 因為我唔中意~ 純粹想見識下, 之後我地就去食buffet。

嘩~~~~~~~~~~~ 好多野食呀!(至少我認為~), 以前做新世紀, 以為全世界ge buffet都係"咁~ge樣", 原來都有唔錯ge~ 食左好多野呀, 大部份都係肉, arm晒我! 有生蠔, 不過我同屎先生都唔食, 佢話d生蠔朕味似生锈鐵喎(好怪ge理由~), 又有好厚好大舊ge三文魚, 我果時諗, 皇上見到實開心到爆~ 可惜呀~

d甜品好靚, 但唔多好食, 個檸檬批酸到啊~ 頂唔順放棄左~ 最後到哈根大z! 其實都不外如是姐, 都冇話特別好食, 同屎先生並肩作戰左幾個回合, 最終都唔能夠征服所有食物... 我地一路食, 一路傾偈, 氣氛相當愉快, 食飽左就開始淨係傾偈, 好好呀, 我地可以完全冇冷場咁傾足幾個鐘, 乜都講~ 呢種感覺好正, 唔係同個個都得, 唔, 所以...好好~

食完buffet我地去打機, 原本諗住玩打鼓機架, 點知冇! 佢介紹我玩一部機
, 好得意架, 用香蕉操縱桿控制隻馬騮食蕉, 玩到第N局, 我採用自殺式戰術, 結果失敗, 連續N次跌落街, 結果game over, 佢狂笑我白痴, 激死我! 我地又玩篤篤機, 好犀利, 佢係我親眼見第一個可以過到寶石迷宮ge人(仲要攞晒d寶石喎!), 超崇拜~

就係咁, 我同屎先生度過左一個好愉快ge中午同下午~ ^o^













聽日皇上考車, 希望唔好落雨啦>_<