我有一個野蠻男友，佢唔鐘意我趁佢唔係度扮靚，唔俾我著三點色，唔鐘意我著短裙，唔俾我發夢見到其他男仔（唔係佢會嬲），最鐘意我著闊t-shirt同長褲、波鞋，仲要係好似去camp或者落街個隻。
　
　　　佢會因為我嬲而反嬲番我，又或者因為我發夢見到其他男仔而呷醋，當我著條裙短少少佢問我做咩著咁短；當佢唔係香港而又知我會化粧出街既時候，佢會話我唔知扮靚俾邊個睇。買泳衣佢話最好係一件頭，我諗佢想我著潛水衣多d;佢會話我啱啱瞓醒未刷牙未洗臉甚至眼都未開個陣好靚；當佢見到我食野食到狼吞虎嚥既時候佢就好開心；同佢拍拖唔夠兩個禮拜佢就問我幾時同佢結婚......






我懷疑佢想將我私有化......







嗯......







其實我知佢好愛我、好珍惜我，雖然有時係野蠻d，但都係因為佢緊張我。






　　 所以我已經決定以後佢每十次騎呢要求（例如唔俾我著咩衫咁）我就應承佢，一次咁多啦！








　　咁應該滿足喇掛？！







　　嘻嘻......