（福佬語）

今仔日下晡，我去佇淡水。行過馬偕博士以早看病个醫生館，過天橋，扒崎（péh-kiā）了後倒斡（tó-uat），卜去真理大學，參加「《咱的土地，咱的詩》新書發表會」。

頂pái行這个路線，已經成（tsiānn）十年前。彼tsūn抵（tu）退伍，去佇人本教育基金會。熱天時，卜𤆬（tshuà）囡仔佇淡水、三芝附近仔𨑨迌（tshit-thô）進前，先去遐四界瞭解環境，頭一逝（tsuā）行个就是這條路線。

退伍到今十年，我才抵抵卜出國讀博士，佇社會頂懸（ting-kuân）猶未踦屹（khià-khí）。十年个時間，若親像攏teh蹉跎（tshit-thô）（註），攏掖掖（iā-iā）去。

真理大學佇真理路頂，我行到位進前，大先（tāi-sing）經過淡水中學。阮阿公猶好額个時tsūn，加阮大伯送去淡水中學讀冊，向望伊會出頭。行過遐，我感覺我嘛佇心肝內問家己：

（阮阿公若猶未過身，一定嘛向望我會出頭，）我對阮阿公咁（kam）有交代？

我夯（giā）頭向天，感覺心肝在在（tsài-tsāi）。我知影我這世人个運命，會佮台灣个文學、語文結稠稠（ke̍t-tiāu-tiâu）。這款事業，捌（bat）贊助《台灣民報》个阿公準定（tsún-tiānn）會歡喜。

若安爾，用十年个時間，揣（tshē）著甘願拍拚（phá-piànn）一世人个目標，有值！

（北京語）

今天下午，我去了淡水。走過馬偕博士從前看診的醫院，越過天橋，爬上斜坡後左轉，前往真理大學參加「《咱的土地，咱的詩》新書發表會」。

上次走這個路線，整整十年前了。那時剛剛退伍，在人本教育基金會，帶孩子前往淡水、三芝附近遊玩之前，先到那附近熟悉環境，第一趟走的就是這條路線。

退伍至今已十年，我才剛要出國攻讀博士學位，在社會上也還未有一席之地。十年的時間，彷彿都蹉跎了，揮霍了。

真理大學在真理路上，抵達之前，我先經過了淡水中學。祖父財力還雄厚時，將大伯送到淡江中學求學，希望他出人頭地。經過那兒，我也在心中問自己：

（祖父還未過世的話，大約也會盼望我出人頭地，）我面對祖父，能問心無愧嗎？

我仰望天空，感覺心底踏實。我知道，自己一生的命運，和台灣的文學、語文密不可分。這樣的志業，曾贊助《台灣民報》的祖父一定會感到欣慰。

果若如此，花十年的時間，找著願意終生為之奮鬥的目標，值得！

註：

（福佬語）

我佇今仔日提著个詩集內底，看著一个詩人將「𨑨迌」（tshit-thô）寫作「蹉跎」。北京語「蹉跎」佮「tshit-thô」讀起來卜佋仝，意思嘛淡薄仔會合。講人「tshit-thô無了時」若是寫作「蹉跎無了時」，嘛蓋心適（sīm-sik）。

（北京語）

我在今天拿到的詩集中，看到一位詩人將「𨑨迌」（tshit-thô）寫作「蹉跎」。北京語「蹉跎」和「tshit-thô」讀音相近，部份意思也切合。說人家「tshit-thô無了時」如果寫成「蹉跎無了時」，也蠻有趣的。