今日剛好係中級第十堂課既DEMO,

計落可以話係整個文憑課走到一半喇~

接下來仲有10堂中級課同20堂高級課, 時間真係過得太快,

係藍帶既求學之路已走到一半,

初級班時非常緊張, 每次去到實作課好似打仗咁, 技藝唔上手, CHEF又呼喝,

壓力大到爆煲, 只想快D完結個課程~

經歷左考試一役, 反覆練習, 總算過左一關~

接下來黎到中級,

其實實作課都係打仗咁, 但做起上黎個人比較穩,

CHEF都少左會大喝, 可能見我地都好忙, 催都無用喇~

係中級既作品會學到更多技巧,

好多時第一次做難免就失敗或有詭異事出現,

雖然內心都會低落, 但反而更想追求原因,

到底係邊度出現問題?

上網搵料, 問FD, 同同學仔討論, 係自我研究中學習, 都同朋友們多左話題咁~

也許如古古所說: 人生一帆風順唔一定係好事, 失敗都係一種經驗,

就算係實作時成功, 都唔代表之後每次都咁順利,

現在身份仲係學生, 從失敗中學習都係一種方法, 錯左衰左咪再做過LOR~

總好過第時真係工作既時候出錯, 到時帶俾整個TEAM更大麻煩~

今日都係交實習文件既DEADLINE~

我其實禮拜一就交齊左~黎緊等高級同CHEF討論同學校安排~

從出發前我就好想去Pierre Herme 實習, 黎到之後即使試過幾多間有名既甜點店,

我對PH既感覺只能說: 教我如何不愛他!

希望實習真係可以去到佢個度學習!!

黎到巴黎後發現自己愛上呢個城市,

雖然一個人會寂寞, 雖然法文好多時都聽唔明, 雖然生活指數好高,

但享受係度既自由, 享受呢度既甜點麵包, 享受係度散步, 享受自己做飯,

有同學仔反而唔鍾意呢度, 課程完結就回家,

但我反而好鍾意呢度,

雖然課程去到一半, 雖然VISA去到明年4月,

但已經開始唔捨得呢度~好想係度搵到工作或者其他方法可以留耐D既~

可能都係一種逃避責任既行為,

因為一番到澳門就要搵工番工, 然後重覆之前既生活,

我唔想咁樣, 可能依家既生活真係太懶,

有時懶到唔知做咩好, 就咁係屋企HEA左一日,

但個人可以好放鬆, 唔使煩咩公司點搵人做文件面試XYZ一堆野~

每日只係諗下做咩去邊行下食咩好,

好簡單既生活,

好簡單既快樂~

Just want to enjoy simple life~

黎左法國期間真係好多朋友結婚或將結婚,

係FB不時都見到婚照同飲宴,

好似已經到左要諗計將自己嫁出去既年紀~

如果係法國遇到好男人就真係賴死唔走LOR~哈~