又荒廢左個BLOG幾個月添~

本來以為自己都可以好有恆心咁每次做完PRACTICAL都記錄一下~

但懶既本性難移, 所以都係算吧喇~

不過我將初級每堂既作堂都UPLOAD係相簿度,

咁起碼有相睇下既~

話咁快2個半月既初級課程就過左~

呢段時間真係好似菜鳥咁,即使事前複習左幾多次,但實作都係會出狀況或者速度太慢,

CHEF每次都要大呼小喝,我地只能皮繃緊D,

雖然係好鍾意PASTRY,都好想做好佢,

每堂都用心上課及準備,但往往適應唔到個種節奏,

不斷無限次地激勵自己要BE PROFESSIONAL,

但結果壓力太大而反效果~

曾經有段時間我想逃避最愛的PASTRY, 專心地做一頓晚餐或者洗衫或者行超市去分散注意~

上實作課中途就諗住幾時可以完結,

點解花大錢辭埋工就係為左過D咁緊迫既日子?

好多疑問同負面既情緒,

尤其係考試前, 同個十道題目搏鬥, 練到唔想再練都仲要去練,

已經崩潰左一次,

無法通電話或者係WECHAT用語音回答,因為已經喊到癲左~

明明係好喜歡既野, 點解令到我咁辛苦, 我完全無法係實作課中感受以往既樂趣,

有既只係想快D KO同完結既諗法,

咁樣既我, 仲可以點樣走落去?

好彩崩左之後收拾番心情, 考試時表現都OK,

C'est fini!同CHEF講出呢句個陣真係淚飆~

內心好激動連相都無影到, 但MOKA呢個蛋糕, 我會好好記住~將來會做出更好和屬於我的你~

係考完試回家清洗制服個刻, 我覺得自己真係好鍾意做PASTRY~

旅行休息放鬆既日子已過去,

接落黎中級課程開始,

係初級時流既眼淚,緊張, 壓力, 領悟令到自己成長,

中級開始又多左好多新臉孔, 有之前讀完INTERSIVE既同學,

都有D可能之前讀完初級隔一輪再黎既,

而實作課既同學仔只有一個以前同班,其他既一概唔熟,

今日第一次實作已感受到新組員既快手速度,

也許係佢地身上我可以訓練到自己速度, 起碼唔好次次包尾~哈~

再努力D喇~

最近剛搬左家, 其實好鍾意宿舍生活, 可惜已經無位,

只好搬出黎, 又好機緣巧合下遇到呢間屋,

咁就順著走吧~ 

初級既朋友離開左, 有時都覺得幾悶,

放假都提唔起勁到處走,

又開始宅宅生活~