之前係BLOG度都提過想話講下今次既留學準備經驗,

唔知點解係網上搵到好多都係台灣既同胞分享佢地報名搞簽証搞呢樣個樣既資料,

但香港澳門既好似唔多覺見既~

所以都係度分享下喇~

首先講下報名先喇~

查實成年前我已經偷偷地報左名, 係網路上得知捷登係免費代辦既~

係一間台灣既藍帶代辦中心, 唔止巴黎, 連日本, 澳洲既藍帶都有辦理,

於是透過電郵同電話同佢地聯絡,

主要係文件既交收, 包括係填報名資料, 簽名, 同埋銀行匯款單個D,

都俾晒佢地後, 佢地會幫手同藍帶個邊登記,

接著佢地會SCAN番藍帶既文件番黎, 無耐都會收到正本既,

呢步只係初段完成報名, 文件入面有份通知匯款單,

寫明學費要幾耐之前交, 通常deadline前一個月代辦就會打黎催交錢,

每次被催我都會好苦惱好緊張好不安好不知所措...............

我本來係報左今年1月開始既課, 但因為文華既實習12月尾先完,

著實係太趕, 於是延到三月, 原則上學校只係俾延一次,

但接近交學費既deadline我又猶疑左, 其實有諗過如果真係唔可以再延就索性放棄,

點知代辦幫我同學校溝通後, 學校個邊肯答應俾我延到六月, 當

下覺得自己真係唔可以再玩野, 萬一唔去既就真係永別了~

係3月尾終於下定決心交學費, 都好感謝各位朋友既支持, 同屋企人既軟化令我安心不少~

交左學費, SEND埋D匯款單俾代辦, 佢地會搞埋學校個PART,

接著就等學校再寄一疊文件過黎(今次係快遞), 入面最重要既係錄取書,

因為簽証要用到佢! 而我係勁黑仔地封信入面打錯左我個名, 唯有請代辦叫學校再寄過~

再收到快遞都係幾日就收到~

接下來到簽証~我係打算課程完左做實習既, 而個証又咁岩明年8月到期,

於是我仲好急趕到去身份證明局搞番個新護照, 加快2日就收到,

接著就拎住新護照去香港法國領事館網站上面預約日期,

佢地唔使提早俾錢, 係搞証當日先俾既~以前辦美國簽証就要俾左先可預約~

我係4月中預約, 日期已去到5月, 因此提醒各位真係要盡早搞~趕唔切就真係買左機票都無用~

預約完領事館, 因為我係申請student visa, 因此仲要同campus france個邊約個academic interview,

其實都好簡單, 用email同佢地講番D資料, 而我係澳門過去, 又要請假,

SO我同佢約面談同辦簽証係同一日既, 個時間都夾得幾好既,

campus france面談基本上全程都用英文, 超緊張的說, 講唔落去既時候只好講中文............超糗..........

但佢地都好nice既, 反而搞簽証既阿姨口吻較差, 但佢講中文~GOOD~

而攞証既日期好似好隨性咁~佢蓋左個日子, 但又話個個禮拜應該得架喇~咁即係..........

但我最終都係打俾佢地講聲我個日請唔到假, 遲兩日先去攞佢地都OK~

住宿方面, 我係之前睇人地分享過可以試下搵foyer宿舍,

佢地租金較平, 而且有間都算係近學校, 我之前都有試過email問過但每次都客滿,

但今次6月中至8月我可以暑宿下~都不錯, 慳到幾個月~

我住既係15區的foyer nazareth, 係修道院宿舍, 入面住既都係女學生, 來自世界各地既,

房間係1人1房, 廚房浴室等就共用,

網站內容其實好簡單, 主要係email同修女聯絡, 當然用法文喇~

呢個時候請感謝google translate,

現時住落都不錯~修女同同學們都幾nice, 環境都好舒服乾淨, 真係唔捨得離開,

可惜9月1日點都要搬走架喇~~~哭~~~~~~希望快D搵到地方住喇~~~~~~~~~

機票我係透過青年旅行社訂學生機票既, 當然都可以自己上網BK, 去歐洲既機票都好方便,

咁我都有比較過既, 雖然學生票貴少少, 但可以改期唔使錢, 行李可以2件23KG, 即46KG,

咁個OFFER不錯就OK喇~到時可以拓多D野番黎都好既~

另外可以提下既係我有搞到個出生證明既翻譯同認證,

原以為唔搞都得, 因為居留證個part都唔駛用到, 但原來房補要用~

咁都係搞左先喇~

首先澳門既出生證明可以用出生既白卡去公共行政大樓領取,

接著因為認證要係領事館認證, 而佢地只係認網站list出黎既翻譯員,

所以我SEND E-MAIL俾幾個去quota下價錢,

最後係搞左一位叫Raymond Lau既, 收費較相宜, 而且都好快有回覆~

所以領取護照當日都幾頻撲, 朝早搵佢拎左份文件,

再去領事館做認證, 收費都唔明, 佢地認證蓋一個印要收180, 我兩版紙就收360........

我其實做左兩份翻譯既, 先做一份認證, 另一份keep屋企度真係要用就麻煩屋企人幫我再黎香港搞, 無計, 因為好似話認證都有時效..........頂...........出生日期可以成日變咩, 阿爸阿媽可以成日變咩, 我都唔明時效意義何在?!

不過都係做左先喇~以防用到先黎煩~因為係法國呢邊搞更加煩~~

而領事館又係好cutie, 朝早先可以做認證, 晏晝唔得, 偏偏攞證又一定要4:30到5:00,

我朝早搞完去食中午再行下旺中又要撲番去收證~算吧~一日超疲倦~

另外講下保險, 係搞簽證既時候佢會要簽一份form宣示自己會買保險cover呢段留學時間,

但其實入境入學都無要求出示任何保險証明,

但出外但求安心都係買左好D既,

但為左保險一事真係煩到, 有一晚同個agent傾完第二日朝早就胃抽筋要去鏡湖睇醫生.......

留學生保險太貴, 唔想買, 本想買一年旅遊保險, 又限制90日, SHIT~

最後買一般意外保喇~但求安心~

而最近收到學校既實習指引, 呢個時候就要求保險~

希望之前買呢份用得著喇~

而過到黎咁耐都未去搞銀行, 手機, 同房補, 因為實在太懶...........

加上一番學就好緊張......

其實銀行好掙扎, 因為我無寫匯票, 其實帶係身既現金都唔係話好多,

所以開唔開都無差, 而且如果黎緊搵屋要俾押金租金個D既話應該一次過會洗一大筆,

唉~手機打電話網絡呢邊都幾貴, 預付卡既有效期只係5~7日, 即一個禮拜要充值一次,

但通話時間得個10分鐘, WTH.........上台綁約都唔見得好優惠~突然覺得澳門既收費真係好平~

現時用住先既CTM漫遊卡又收得太貴, 同屋企講唔得幾次電話就無錢, 超吸血.....

都係以備不時之需用~現時主要靠宿舍免費WIFI~其餘在外時間想上網就好少~

當然唔建議大家成日拎部IPHONE出黎~因為巴黎有專搶3G手機黨~

有時仲話專針對中學留學生或旅客, 真係要打醒十二分精神~

剛剛終於識得點樣好簡單唔透過ITUNES拎番手機D相~重點係解鎖後先好插傳輸線~

好~我呢個用左幾年既人真係勁OUT........唔好意思~

時差總算適應左D~~THANK GOD!!

應該大致上係咁喇~12號到達巴黎, 不知不覺已生活左10日~

但其實我都無周圍去景點逛過~主要都係屋企附近熟習下先~

黎緊要多D出去行下先得~

如果聽日天氣好, 就去鐵塔野餐喇~