對上一篇文係十月份, 原來十一月真係過得好快,

快到完全好似無做過d乜就十二月喇~係咪真係咁忙呀!

難怪禮拜六一早起身, 驚覺自己唔使番工, 有種唔知點唔知做乜好既感覺~

習慣左忙碌既tempo, 放假反而悠閒宅宅烚眼訓~

一三既法文總係工作被榨乾後去上堂, 腦袋結實到思考唔到太多東西~

四五既西餅反而輕鬆得多~但又擔心之後實習既事唔知點算好~

法文, 可能真係要停下~~~太累~~但係語言一放低就拎唔番起~唉~

ift既西餅課終於ko晒理論個part, 真係好難頂......雖則唔識check分,

但係我假設自己已經pass晒!

實作課比較有趣, 老師示範完再分組操作~

暫時都係基礎既東西, 所以唔會好難~

廚房入面有專業既機器, 大型焗爐, 一切都要適應同學習~

同自己係屋企做好唔同~

但甜點既基本係共通既, 只係唔同老師操作手法會唔同~

要給自己一d小考題, 例如係轉盤~暫時仲係轉得好膽顫心驚咁~

遲d要多d操作下座枱式既mixer, 佢真係好方便同埋打得均勻過屋企手動個d~

真係有想買番部既衝動~

課堂上既成果都幾多, 有時會拎去西廚互相交換下~

有時會拎番屋企or公司~

西廚最近都係整沙律三文治頭盤, 正~至少係肚餓既時候唔好淨係得蛋糕丫....

深深感受到廚師呢行既飲食習慣真係比正常人差~

整到9點幾10點番家又唔可以食飯, 只好食菜同生果~唉~

係課堂上學到既都好想係屋企做下~功多藝術丫嘛~

但係禮拜六又好懶~禮拜日又要留俾bread~要再多練習先得!

今個禮拜既bread係香草麵包, 直接法方便又快捷~

so simply既香草橄欖油既味道~

上個禮拜做既楓糖肉桂核桃卷~都唔係第一次做~

今次好細心地挑合桃, 因為合桃放太耐好多都唔用得~

份量不足就用提子乾補上~效果也挺不錯~

天氣轉涼, 特愛肉桂&楓糖, 很有秋天的感覺~ 

再上個禮拜做既咖啡核桃歐克麵包~

好耐無做過歐克包, 因為油皮好肥, 但見到屋企有d中筋粉諗住用埋佢~

果真係用中筋粉做個皮比起高低粉混合, 延展性較好, 無咁容易爆皮~

so今次既造型係咁多次最滿意既~

味道也頗不錯喇~ 

美中不足係溫度控制得唔好, 外皮上左色添!!

好似係上個月底做既, 綠茶麵包~每個內饀都有d唔同,

我記得有cheese, 紅莓, 核桃~

咁岩紅莓俾媽咪食左, 仲想試下綠茶同紅莓夾唔夾添~

never mind~第時再整喇~

cheese饀既不錯, 綠茶微苦, 配cheese柔和番~

但我諗綠茶既partner都係紅豆最襯~只係我懶得煮~ 

最近整定左d糖漬橙皮, 準備聖誔節整麵包用~

panetone or stollen~no sure~

尋日發出宅女+剩女既哀嚎, 點知今日係悅書房就見到一本書"給一直沒有男朋友的你"

超應景~即刻攞黎睇下~認真地掀幾版~嗯~放低~

感覺作者好似心理學家interview個client咁~

都係旅遊書或甜點書較合我的口味~

另一樣要煩既就係實習, 雖則話公司有得實習頗不錯~

但係要對住自己d同事~整餅容易做人艱難咧~~so struggle~

唉~今年即將迎接最痛苦既百萬行~~攞命!

希望今年唔好排咁遠喇~

美食節is over today~今年無去到有點可惜~寄望明年吧!